ନୂଆଦିଲ୍ଲୀ: ଇସ୍ରୋର ଜନୈକ ବରିଷ୍ଠ ଅଧିକାରୀଙ୍କ ମନ୍ତବ୍ୟ ଅନୁଯାୟୀ ୨୦୧୯ରେ ୩୨ଟି ମହାକାଶ ଅଭିଯାନକୁ ସମ୍ପନ୍ନ କରିବାର ଲକ୍ଷ୍ୟ ରଖିଛି ଇସ୍ରୋ। ତେଣୁ ୨୦୧୯ ଇସ୍ରୋ ପାଇଁ ନୂଆ ଚ୍ୟାଲେଞ୍ଜ ଓ ସମ୍ଭାବନାର ବର୍ଷ ବୋଲି ନୂଆବର୍ଷ ଉପଲକ୍ଷେ ନିଜ ସହକର୍ମୀଙ୍କୁ ବାର୍ତ୍ତା ଦେଇଛନ୍ତି ଇସ୍ରୋ ମୁଖ୍ୟ କେ ସିଭାନ।
୩୨ଟି ମହାକାଶ ଅଭିଯାନ ମଧ୍ୟରେ “ଚନ୍ଦ୍ରଯାନ-୨’ ପରି ଗୁରୁତ୍ୱପୂର୍ଣ୍ଣ ଅଭିଯାନ ମଧ୍ୟ ରହିଛି। ଚନ୍ଦ୍ରପୃଷ୍ଠକୁ ଓହ୍ଲାଇବାକୁ ଥିବା ଏହି ଅଭିଯାନ ଆରମ୍ଭ ହେବା ପୂର୍ବରୁ ଚୀନ ଇତିମଧ୍ୟରେ ଚନ୍ଦ୍ରପୃଷ୍ଠରେ ମହାକାଶ ଯାନ ପ୍ରେରଣ କରିସାରିଛି। ଚନ୍ଦ୍ରର ବିପରୀତ ଦିଗରେ ଚନ୍ଦ୍ରଯାନକୁ ଓହ୍ଲାଇ ଚନ୍ଦ୍ରପୃଷ୍ଠରେ ଗୁରୁତ୍ୱପୂର୍ଣ୍ଣ ଖଣିଜର ସନ୍ଧାନ କରିବାର କାର୍ଯ୍ୟକ୍ରମ ରହିଛି। ଆନ୍ଧ୍ରପ୍ରଦେଶର ଶ୍ରୀହରିକୋଟା ଲଞ୍ଚ ପ୍ୟାଡ଼ରୁ ଏହି ମହାକାଶ ଯାନ ଉତକ୍ଷେପଣ ହେବାର କାର୍ଯ୍ୟକ୍ରମ ରହିଛି।
ସେହିପରି ୨୦୨୧-୨୨ଆର୍ଥିକ ବର୍ଷରେ ଭାରତୀୟ ମହାକାଶରେ ଭ୍ରମଣ କରିବା ଅଭିଯାନ ଆରମ୍ଭ ହେବ। ଏଥିପାଇଁ ନୂଆ ଲଞ୍ଚ ପ୍ୟାଡ଼ ପ୍ରସ୍ତୁତ କରିବାରେ ବ୍ୟସ୍ତ ରହିଛି ଇସ୍ରୋ। ଭାରତୀୟଙ୍କୁ ମହାକାଶରେ ଭ୍ରମଣର ସୁବିଧା ଯୋଗାଇ ଦେବାକୁ ବର୍ଷକୁ ୨୩ଟି ପୃଥକ ଭିନ୍ନଭିନ୍ନ ଅଭିଯାନ ମାଧ୍ୟମରେ ୩୦ହଜାର କୋଟି ଟଙ୍କାର ପ୍ରକଳ୍ପ କାର୍ଯ୍ୟ ଖୁବ୍ ଶୀଘ୍ର ଆରମ୍ଭ ହେବାକୁ ଯାଉଛି ବୋଲି ଇସ୍ରୋ ସୂଚନା ଦେଇଛି।
୨୦୧୯ରେ ଇସ୍ରୋର ୩୨ଟି ମହାକାଶ ଅଭିଯାନ ଲକ୍ଷ୍ୟ
Popular Categories
Previous article
Next article