ତେହରାନ : ଇରାନ ସେନା ପରେଡରେ ଆଙ୍କବାଦୀ ଆକ୍ରମଣରେ ୨୪ ଜଣଙ୍କ ମୃତ୍ୟୁ ପରେ ଇରାନ ରିଭେଲ୍ୟୁଶନାରୀ ଗାର୍ଡ଼ ପକ୍ଷରୁ ସାଉଦି ଆରବ ଏବଂ ସଂଯୁକ୍ତ ଆରମ ଇମିରେଟ୍ସ (ୟୁଏଇ)କୁ ଚେତାବନୀ ଦିଆଯାଇଛି। ଇରାନର ଆଭ୍ୟନ୍ତରୀଣ ମାମଲାରେ ହସ୍ତକ୍ଷେପ ଏବଂ ଲକ୍ଷ୍ମଣ ରେଖା ପାର ନକରିବାକୁ ଏହି ଦୁଇ ଦେଶକୁ ଇରାନ ରିଭେଲ୍ୟୁଶନାରୀ ଗାର୍ଡ଼ ପକ୍ଷରୁ ଚେତାଇ ଦିଆଯାଇଛି। ଗାର୍ଡର କାର୍ଯ୍ୟକାରୀ କମାଣ୍ଡର ଜେନରାଲ ହୁସେନ ସଲାମୀ ଶୁକ୍ରବାର କହିଛନ୍ତି ଯେ ୟୁଏଇ ଓ ସାଉଦି ଆରବ ଇରାନରେ ଅରାଜକତା ସୃଷ୍ଟି ପାଇଁ ପ୍ରୟାସ କରୁଛନ୍ତି ଓ ଆଭ୍ୟନ୍ତରୀଣ ମାମଲାରେ ହସ୍ତକ୍ଷେପ କରୁଛନ୍ତି। ଲକ୍ଷ୍ମଣ ରେଖା ପାର କଲେ ସେମାନଙ୍କୁ ଏହାର କଡ଼ା ଜବାବ ଦିଆଯିବ। ସେପଟେ ଶୁକ୍ରବାର ପାକିସ୍ତାନ ସୀମା ନିକଟ ବେଲୁଚିସ୍ତାନରେ ଇରାନ ସେନାର ଆକ୍ରମଣରେ ୪ ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି।
