ଆଇପିଏଲ- ୨୦୧୯ : ୮ମ ବିଜୟ ସହ ଦିଲ୍ଲୀ ଶୀର୍ଷରେ

ନୂଆଦିଲ୍ଲୀ :  ଯାହା ଆଶା କରାଯାଉଥିଲା, ତାହା ହିଁ ଘଟିଲା। ଦିଲ୍ଲୀ କ୍ୟାପିଟାଲ୍‍ସ୍‍  ପୁଣି ଉନ୍ନତମାନର ପ୍ରଦର୍ଶନ ଜାରି ରଖି ରୟାଲ୍‍ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ପରାସ୍ତ କରିଛି। ଆଇପିଏଲ୍‍ କ୍ରିକେଟରେ ରବିବାର ନୂଆଦିଲ୍ଲୀରେ ଦିଲ୍ଲୀ କ୍ୟାପିଟାଲ୍‍ସ୍‍ ଏବଂ ରୟାଲ୍‍ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ଅନୁଷ୍ଠିତ ମୁକାବିଲାରେ ଦିଲ୍ଲୀ ବିଜୟ ଲାଭ କରିଛି। ଟସ୍ ଜିତି  ପ୍ରଥମେ ବ୍ୟାଟିଂ କରି  ଦିଲ୍ଲୀ କ୍ୟାପିଟାଲ୍‍ସ୍‍ ୫ ୱିକେଟ ହରାଇ ୧୮୭ ରନ କରିଥିଲା ।  ୧୮୮ରନର ପିଛା କରି ରୟାଲ୍‍ ଚ୍ୟାଲେଞ୍ଜର୍ସ ବାଙ୍ଗାଲୋର ୭ ୱିକେଟ ହରାଇ ୧୭୧ କରି ୧୬ ରନରେ ପରାସ୍ତ ହୋଇଛି। ଏହି ବିଜୟ ସହିତ ଦିଲ୍ଲୀ କ୍ୟାପିଟାଲ୍‍ସ୍‍  ୧୨ଟି ମ୍ୟାଚ ଖେଳି ୮ଟି ମ୍ୟାଚ ଜିତି ୧୬ ପଏଣ୍ଟ ସହ ପଏଣ୍ଟ ତାଲିକାର ଶୀର୍ଷ ସ୍ଥାନରେ ପହଞ୍ଚିଛି।

ଅନ୍ୟପକ୍ଷରେ ରୟାଲ୍‍ ଚ୍ୟାଲେଞ୍ଜର୍ସ ବାଙ୍ଗାଲୋର ସମାନ ସଂଖ୍ୟକ ମ୍ୟାଚ ଖେଳି ୪ଟି ବିଜୟ ସହିତ ୮ ପଏଣ୍ଟ ପାଇ ପଏଣ୍ଟ ତାଲିକାର ଅଷ୍ଟମ ସ୍ଥାନରେ ରହିଛି।