ନୂଆଦିଲ୍ଲୀ : ଓଭାଲ୍ରେ ୨୦୨୧-୨୩ ଆଇସିସି ବିଶ୍ବ ଟେଷ୍ଟ ଚମ୍ପିଆନ୍ସିପ୍ ଖେଳାଯିବା ପରେ ୨୦୨୩-୨୫ ବିଶ୍ବ ଟେଷ୍ଟ ଚମ୍ପିଆନ୍ସିପ୍ ପର୍ଯ୍ୟାୟ ଆରମ୍ଭ ହୋଇଯାଇଛି । ଏହି ୨ ବର୍ଷରେ ଭାରତ ମୋଟ ୧୯ଟି ଟେଷ୍ଟମ୍ୟାଚ୍ ଖେଳିବ। ଘରୋଇ ୱେଷ୍ଟଇଣ୍ଡିଜ୍ ବିପକ୍ଷରେ ଭାରତ ୨ ମ୍ୟାଚ୍ର ଟେଷ୍ଟ ସିରିଜ୍ ଖେଳି କ୍ରମାଗତ ୩ୟ ବିଶ୍ବ ଟେଷ୍ଟ ଚମ୍ପିଆନ୍ସିପ୍ ଫାଇନାଲ ଖେଳିବା ପାଇଁ ଅଭିଯାନ ଆରମ୍ଭ କରିବ। ଡମିନିକାରେ ଜୁଲାଇ ୧୨ରୁ ୧୬ ପର୍ଯ୍ୟନ୍ତ ପ୍ରଥମ ଏବଂ ତ୍ରିନିଦାଦ୍ରେ ଜୁଲାଇ ୨୦ରୁ ୨୪ ପର୍ଯ୍ୟନ୍ତ ୨ୟ ଟେଷ୍ଟମ୍ୟାଚ୍ ଖେଳାଯିବ। ପରେ ଏସିଆ ଓ ଦିନିକିଆ ବିଶ୍ବକପ୍ ଖେଳିବା ପେର ପୁଣି ଟେଷ୍ଟ ଶୃଙ୍ଖଳା ଖେଳିବା ପାଇଁ ଭାରତୀୟ ଦଳ ଦକ୍ଷିଣ ଆଫ୍ରିକା ଯାତ୍ରାକରିବ। ସେଠାରେ ୨୦୨୩ ଡିସେମ୍ବର ଓ ୨୦୨୪ ଜାନୁଆରୀରେ ଘରୋଇ ଦଳ ବିପକ୍ଷରେ ଭାରତ ୨ଟି ଟେଷ୍ଟମ୍ୟାଚ୍ ଖେଳିବ। ୨୦୨୪ ଜାନୁଆରୀ-ଫେବୃଆରୀରେ ଘରୋଇ ମାଟିରେ ଭାରତ ୫ ମ୍ୟାଚ୍ ବିଶିଷ୍ଟ ଟେଷ୍ଟ ଶୃଙ୍ଖଳା ଖେଳିବ। ସେହିବର୍ଷ ଘରୋଇ ମାଟିରେ ବାଂଲାଦେଶ ବିପକ୍ଷରେ ଭାରତ ୨ଟି ଟେଷ୍ଟ ମ୍ୟାଚ୍ ଖେଳିବ। ୨୦୨୪ରେ ନ୍ୟୁଜିଲାଣ୍ଡ ବିପକ୍ଷରେ ଘରୋଇ ମାଟିରେ ଭାରତ ୩ଟି ଟେଷ୍ଟ ମ୍ୟାଚ୍ ଖେଳିବ। ୨୦୨୪ ନଭେମ୍ବରରୁ ୨୦୨୫ ଜାନୁଆରୀ ପର୍ଯ୍ୟନ୍ତ ଭାରତୀୟ ଦଳ ଅଷ୍ଟ୍ରେଲିଆ ଗସ୍ତକରିବ। ଏହି ଗସ୍ତରେ କଙ୍ଗାରୁଦଳ ବିପକ୍ଷରେ ଭାରତ ୫ ମ୍ୟାଚ୍ର ଟେଷ୍ଟ ଶୃଙ୍ଖଳା ଖେଳିବ। ଏହି ଶୃଙ୍ଖଳା ସହ ଭାରତର ବିଶ୍ବ ଟେଷ୍ଟ ଚମ୍ପିଆନ୍ସିପ୍ ପର୍ଯ୍ୟାୟ ସମାପ୍ତ ହେବ। ପ୍ରଥମ ୨ଟି ସ୍ଥାନରେ ଥିବା ଦଳଙ୍କ ମଧ୍ୟରେ ଇଂଲଣ୍ଡର ଲର୍ଡସରେ ଫାଇନାଲ ମ୍ୟାଚ୍ ଖେଳାଯିବ।
Comments are closed.