ସମାଜ ଡିଜିଟାଲ ଡେସ୍କ: ଦକ୍ଷିଣ କୋରିଆର ମୋଟରଯାନ ଉତ୍ପାଦନକାରୀ କମ୍ପାନୀ ହୁଣ୍ଡାଇ ମୋଟର ଏକ ନୂଆ ବୈଦ୍ୟୁତିକ କାରର କିଛି ଫଟୋ ଶେୟାର କରିଛି। କମ୍ପାନୀ ଖୁବଶୀଘ୍ର ଆଉ ଏକ ନୂଆ ଇଲେକ୍ଟ୍ରିକ୍ ମାଇକ୍ରୋ କାର୍ର ବଜାର ପ୍ରବେଶ କରିବାକୁ ଯାଉଛି। ଏହି କାର୍ର ନାମ କମ୍ପାନୀ ଇନ୍ଷ୍ଟର୍ ରଖିଛି। ଚଳିତ ମାସ ଶେଷରେ କୋରିଆର ବୁସାନ୍ ଇଣ୍ଟରନ୍ୟାସନାଲ ମୋଟର ଶୋ’ ୨୦୨୪ରେ ଏହାକୁ ଅନ୍ତର୍ଜାତୀୟ ସ୍ତରରେ ଲଞ୍ଚ୍ ହେବ। ଏହି ଅଟୋ ଶୋ’ ଜୁନ୍ ୨୭ରୁ ଆରମ୍ଭ ହୋଇ ଜୁଲାଇ ୭ ପର୍ଯ୍ୟନ୍ତ ଚାଲିବ। ଏହି ଶୋ’ରେ ହୁଣ୍ଡାଇ ଏହାର ନୂଆ ଇଲେକ୍ଟ୍ରିକ୍ କାର୍ ଲଞ୍ଚ୍ କରିବ। ବିଶ୍ଵ ସ୍ତରରେ କମ୍ପାନୀ ଏହି କାର ଲଞ୍ଚ୍ କରିବ ବୋଲି କୁହାଯାଉଛି।
Hyundai Inster ନାଁ ପଛର ରହସ୍ୟ:
Unveiling the stunning all-electric INSTER with its unique pixel graphics.#Hyundai #INSTER #EV pic.twitter.com/GDfx49FK44
— Hyundai Motor Group (@HMGnewsroom) June 11, 2024
କମ୍ପାନୀ ଏହି କାର୍ର ନାମ ଇଣ୍ଟିମେଟ୍ ଏବଂ ଇନୋଭେଟିଭ୍ ଶବ୍ଦରୁ ନେଇଛି। ଏହି କାର୍ ବର୍ତ୍ତମାନ କ୍ୟାସପର୍ ପ୍ଲାଟଫର୍ମରେ ପ୍ରସ୍ତୁତ ହୋଇପାରିବ। କମ୍ପାନୀ ଏଥିରେ ଗୋଲ୍ ହେଡଲାଇଟ୍ ଦେବାକୂ ଯୋଜନା ରଖିଛି। କମ୍ପାନୀ ସାମାଜିକ ଗଣମାଧ୍ୟମରେ କିଛି ଫଟୋ ଶେୟାର କରିଛି, ଯେଉଁଥିରେ କାରର ବହିର୍ଭାଗ ବିଷୟରେ ସୂଚନା ଦିଆଯାଇଛି। ତେବେ ଏହି କାର୍ କେବେସୁଦ୍ଧା ଲଞ୍ଚ୍ ହେବ ସେନେଇ କୌଣସି ଖାସ୍ ସୂଚନା ଦିଆଯାଇନାହିଁ। ଆଗରେ ଗୋଲ୍ ହେଡ୍ଲାଇଟ୍ ସହ ପିକ୍ସେଲ ଷ୍ଟାଇଲ ୭ ଏଲିମେଣ୍ଟ ଏଲଇଡି ଟର୍ନ ଇଣ୍ଡିକେଟର ମଧ୍ୟ ଦେଇଛି। କମ୍ପାନୀ ଦାବି କରିଛି ଯେ, ଏହି କାର ଗୋଟିଏ ଥର ଚାର୍ଜରେ ୩୫୫ କିଲୋମିଟର ଯାତ୍ରା କରିବ। କମ୍ପାନୀ କହିଛି ଯେ, ଏହି କାର୍ ଅନେକ ସୁରକ୍ଷା ଫିଚର୍ସ ସହିତ ବଜାର ପ୍ରବେଶ କରିବ। କେବଳ ଏତିକି ନୁହେଁ, ନୂଆ ଟେକ୍ନୋଲୋଜିଯୁକ୍ତ ଫିଚର୍ସ ଦିଆଯିବ। ତେବେ ଏହି କାରରେ ଉପଲବ୍ଧ ବ୍ୟାଟେରୀ ଏବଂ ମୋଟରର ବିଶେଷତ୍ଵ ବିଷୟରେ କମ୍ପାନୀ କୌଣସି ସୂଚନା ଦେଇନାହିଁ।
Comments are closed.