ମେଷ : ଆୟର ଧାରା ଅବ୍ୟାହତ ରହିବ। ଗର୍ଭପୂରା ଭୋଜନରେ ଜଠରାଗ୍ନିକୁ ନିର୍ବାପିତ କରିପାରନ୍ତି। ସରକାରୀ ଓ ବେସରକାରୀ ସ୍ତରରୁ ଲାଭବାନ୍ ହେବେ। ସୁସ୍ଥ ରହିବେ। ଚିନ୍ତାଧାରା ଉନ୍ନତମାନର ହେବ।
ବୃଷ : ଧର୍ମଧ୍ବଜାଧାରୀ ହେବେ। ପରୋପକାରରେ ଧନ ବ୍ୟୟ କରିପାରନ୍ତି। ବିବାଦୀୟ ବିତର୍କରେ ଭାଗ ନ ନେଇ ନିରବ ଦର୍ଶକ ସାଜିପାରନ୍ତି। ଭାଷା ମଧୁର ଓ ସ୍ନେହପୂର୍ଣ୍ଣ ହେବ। ପାପ, ତାପ, ପରିବାହକ ହେବେ।
ମିଥୁନ : ଈପ୍ସିତ ଅର୍ଥ ହସ୍ତଗତ ହେବ। ଜ୍ଞାନ ପିପାସୂ ହେବେ। ସତ୍କର୍ମରେ ନିଜକୁ ନିୟୋଜିତ କରିପାରନ୍ତି। ସ୍ବାତନ୍ତ୍ର ବ୍ୟକ୍ତିତ୍ବ ସମ୍ପନ୍ନ ହେବେ। ସରକାରୀ ସ୍ତରରୁ ସମ୍ମାନ ଓ ଧନପ୍ରାପ୍ତ ହେବେ।
କର୍କଟ : ଜ୍ଞାନର ପ୍ରଦୀପ ପ୍ରଜ୍ବଳନ କରି ଅଜ୍ଞାନ ଅନ୍ଧକାରକୁ ଉଳମୟ କରିପାରନ୍ତି। ବାଣିଜ୍ୟ କାରବାର ଲାଭଦାୟକ ହେବ। ପ୍ରତିଯୋଗିତାରେ କୃତିତ୍ବ ଅର୍ଜନ କରିବେ। ଶୁଭକାର୍ଯ୍ୟ ପାଇଁ ବାତାବରଣ ନିର୍ମଳ ରହିଛି।
ସିଂହ : ଯତ୍ନ, ଅଧ୍ୟବସାୟ ଓ ପ୍ରଗାଢ଼ ଉଦ୍ୟମ ଚଳାଇ କ୍ଷମତାଧାରୀ ହେବେ। କାର୍ଯ୍ୟର ସଫଳ ରୂପାୟନ କରି ପ୍ରଶଂସାର ପାତ୍ର ହେବେ। ମହାପ୍ରଭୁଙ୍କ ଶରଣାଗତ ହେବେ। ବିବାଦୀୟ ଘଟଣାରେ ବିଜୟୀ ହେବେ।
କନ୍ୟା : ପରମ କଲ୍ୟାଣୀୟ ମାର୍ଗରେ ମାର୍ଗୀ ହେଲେ ସଙ୍କଟ ଦୂର ହେବ। ଧୈର୍ଯ୍ୟ ଓ ସାହସ ସଞ୍ଚୟ କରି ଅଦିନିଆ ଝଡ଼ ଆଗରେ ମୁଣ୍ଡ ନୁଅଁାଇ ମହାବିପଦରୁ ଉଧୁରି ଯିବେ। ସାରାଦିନ ସତର୍କତାର ସହ ଚଳିବାକୁ ପଡ଼ିବ।
ତୁଳା : ଆଜି ଦିନ ଭିତରେ ଯାହା ଘଟଣା ଘଟିବ, ତାହା ମଙ୍ଗଳମୟ ହେବ। ପବିତ୍ର ଭାବନା ନେଇ ସେବା କ୍ଷେତ୍ରରେ ସହଯୋଗୀ ଭାବେ କାର୍ଯ୍ୟ କରିବେ। ପତ୍ନୀଙ୍କ ସୁପରାମର୍ଶ ଉପାଦେୟ ହେବ।
ବିଛା : ସତ୍ ପରାୟଣ ହେବେ। ସ୍ଥଳ ବିଶେଷରେ ମନର ଆବେଗକୁ ବ୍ୟକ୍ତ କରିପାରନ୍ତି। ବାହ୍ୟ ଖର୍ଚ୍ଚକୁ ସୀମିତ ରଖିପାରନ୍ତି। ଆପଣଙ୍କ କାର୍ଯ୍ୟକଳାପ ଶତ୍ରୁମାନଙ୍କୁ ନିରସ୍ତ୍ର କରିପାରେ। କର୍ମଚଞ୍ଚଳ ହେବେ।
ଧନୁ : ଅଧ୍ୟାପନାର ପ୍ରସ୍ତୁତିସ୍ବରୂପ ଅଧ୍ୟୟନରତ ହୋଇପାରନ୍ତି। ଅନୁଭୂତିରୁ ଉତ୍ପନ୍ନ ଜ୍ଞାନକୁ କର୍ମକ୍ଷେତ୍ରରେ ଉପଯୋଗ କରିପାରନ୍ତି। ବିଭିନ୍ନ ସୂତ୍ରରୁ ଆର୍ଥିକ ଅନୁଦାନ ପ୍ରାପ୍ତିର ସୂଚନା ମିଳୁଛି। ଦାମ୍ପତ୍ୟ ଜୀବନ ସୁଖପ୍ରଦ ହେବ।
ମକର : କୃଷକଙ୍କ ଉନ୍ନତି ପାଇଁ ସରକାରୀ ସ୍ତରରେ ଉଦ୍ୟମ ଚଳାଇ ପାରନ୍ତି। କର୍ତ୍ତବ୍ୟନିର୍ବାହ କରିବାରେ ପାରଙ୍ଗମ ହେବେ। ଉଦାର ଚରିତ୍ର ସମ୍ପନ୍ନ ହେବେ। କେତେକ କ୍ଷେତ୍ରରେ ଭୁଲ ବୁଝାମଣା ପରେ ସୁଧୁରି ଯିବେ।
କୁମ୍ଭ : ଦିବ୍ୟ ପ୍ରେରଣାଦାୟୀ ହେବେ। ଲେଖନୀ ନିଃସୃତ କାଳଜୟୀ ରଚନା ଆଗାମୀ ପିଢ଼ିକୁ ଦିଗ୍ଦର୍ଶନ ଦେବ। ସତ୍ୟବାଦ୍ୟୋ ଦୃଢ଼ବ୍ରତ ଆଚରଣ କରିପାରନ୍ତି। ଭକ୍ତିରସରେ ଅବରାହନ କରି ସନ୍ତୁଷ୍ଟ ହେବେ।
ମୀନ : ଧନଲକ୍ଷ୍ମୀ ବରଦାୟିକା ଅଛନ୍ତି। ବିବିଧ ଉପାୟରେ ଅର୍ଜିତ ଅର୍ଥକୁ ଦରିଦ୍ରଙ୍କ ସେବାରେ ବିନିଯୋଗ କରିପାରନ୍ତି। ନିଷ୍କାମ ଭକ୍ତିସମ୍ପନ୍ନ ହେବେ। ଚାରୁ ଚନ୍ଦନା ଦେହୀ ପତ୍ନୀଙ୍କ ସହଯୋଗ ମିଳିବ।
Comments are closed.