ନୂଆଦିଲ୍ଲୀ : ଦୁଇଚକିଆ ଯାନ ନିର୍ମାତା କମ୍ପାନୀ ହିରୋର ଇଲେକ୍ଟ୍ରିକ୍ ସହାୟକ କମ୍ପାନୀ ଭିଡା ନିଜ ନୂଆ ଭି୨ ଇ-ସ୍କୁଟର ନେଇଆସିଛି । ଭି୨ ଇ-ସ୍କୁଟର ୩ଟି ଭାରିଆଣ୍ଟରେ ଆସିଛି । ଏଥିରେ ଲାଇଟ୍, ପ୍ଲସ୍ ଓ ପ୍ରୋ ଭାରିଆଣ୍ଟ ସାମିଲ । ଏହାର ସମସ୍ତ ଭାରିଆଣ୍ଟ ଭିନ୍ନ ଭିନ୍ନ ବ୍ୟାଟେରୀ କ୍ଷମତା ସହିତ ଆସିଥାଏ । ଲାଇଟ୍ ଭାରିଆଣ୍ଟରେ ୨.୨ କେଡବ୍ଲୁଏଚର ବ୍ୟାଟେରୀ ମିଳିବ ଯାହା ୯୪ କିଲୋମିଟରର ଆଇଡିସି ରେଞ୍ଜ ଅଫର କରିଥାଏ ।
ଭିଡା ଭି୨ ଇ-ସ୍କୁଟରରେ ଲାଇଟ୍ ଭାରିଆଣ୍ଟର ଦାମ୍ ୯୬ ହଜାର ଟଙ୍କା, ପ୍ଲସ୍ ଭାରିଆଣ୍ଟ ୧.୧୫ ଲକ୍ଷ ଟଙ୍କା ଓ ପ୍ରୋ ଭାରିଆଣ୍ଟର ଦାମ୍ ୧.୩୫ ଲକ୍ଷ ଟଙ୍କା ରଖିଛି କମ୍ପାନୀ । ଭି୨ ଲାଇଟ ଏକ ନୂଆ ମଡେଲ୍ ଯେଉଁଥିରେ ଛୋଟ ୨.୨ କିଲୋଓ୍ବାଟର ବ୍ୟାଟେରୀ ପ୍ୟାକ୍ ରହିଛି ଯାହା ୯୪ କିଲୋମିଟର ରେଞ୍ଜ ପ୍ରଦାନ କରିବ । ଏଥିରେ ୬୯ କିଲୋମିଟର ପ୍ରତି ଘଣ୍ଟାର ଟପ୍ ସ୍ପିଡ୍ ମଧ୍ୟ ମିଳିବ । ଅନ୍ୟ ୨ ଭାରିଆଣ୍ଟର ସ୍ପିଡ୍ ଯଥାକ୍ରମେ ୮୫ ଓ ୯୦ କିଲୋମିଟର ଘଣ୍ଟା ପ୍ରତି ମିଳିବ । ଭି୨ ଲାଇଟରେ କେବଳ ୨ଟି ରାଇଡିଂ ମୋଡ୍ ରାଇଡ୍ ଓ ଇକୋ ଉପଲବ୍ଧ । କମ୍ପାନୀ ସବୁ ଗାଡିରେ ୫ ବର୍ଷ ବା ୫୦ ହଜାର କିଲୋମିଟରର ଓ୍ବାର୍ଣ୍ଣିଂ ପ୍ରଦାନ କରୁଛି ।
