ହରଭଙ୍ଗା: ହରଭଙ୍ଗା ବ୍ଲକ ସଦରମହକୁମା ଚାରିଛକ ବଜାର ଉପକଣ୍ଠରେ ଏକ ପୁଲିସ ଚେକପୋଷ୍ଟ ଗୃହ ନିର୍ମାଣ କାର୍ଯ୍ୟ ଅଧପନ୍ତରିଆ ଭାବେ ପଡ଼ିରହିଛି।ଆଇନ ଶୃଙ୍ଖଳାକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ଓ ପୁଲିସ ପ୍ରଶାସନର ମିଳିତ ପ୍ରଚେଷ୍ଟାରେ ଏକ ପୁଲିସ ଚେକପୋଷ୍ଟ ନିର୍ମାଣ ପାଇଁ ଯୁଦ୍ଧକାଳୀନ ଭିତ୍ତିରେ ଜବରଦଖଲ ଉଛେଦ କାର୍ଯ୍ୟ ହାତକୁ ନିଆଯାଇଥିଲା। ଗତ ୨୯ ତାରିଖ ଦିନ ତହସିଲଦାରଙ୍କ ଉପସ୍ଥିତିରେ ଦୋକାନଗୁଡିକ ଉଛେଦ କରାଯାଇଥିଲା। ଏହାପରେ ଚେକପୋଷ୍ଟ ନିର୍ମାଣପାଇଁ ସାମଗ୍ରୀ ଗଦା କରାଯାଇ ଲୁହାଛଡରେ ନିର୍ମାଣ କାର୍ଯ୍ୟ କରାଯାଇଥିଲା। ମାତ୍ର ଏତିକିରେ ଚେକପୋଷ୍ଟ ନିର୍ମାଣକାର୍ଯ୍ୟ ଅଟକି ଯାଇଥିବା ଦେଖିବାକୁ ମିଳିଛି। ଯେଉଁ ଉଦେଶ୍ୟ ନେଇ ତରବରିଆ ଭାବେ ଦୋକାନଗୁଡିକ ଉଛେଦ କରାଗଲା, ସେହି ଅନୁସାରେ ଚେକପୋଷ୍ଟ ନିର୍ମାଣ କାର୍ଯ୍ୟ ଶେଷ ନହେବାରୁ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ତୁରନ୍ତ ଏହାର ନିର୍ମାଣକାର୍ଯ୍ୟ ଶେଷ କରିବାକୁ ସାଧାରଣରେ ଦାବୀ ଉଠୁଛି।
Comments are closed.