ସମାଜ ଲାଇଭ ବ୍ୟୁରୋ (ରାଜେସ ଚନ୍ଦ୍ର ବେହେରା) : ଭାରତୀୟ କ୍ରିକେଟ ଦଳର ଅଧିନାୟକ ତଥା ଦେଶର ଏକ ନମ୍ବର ବ୍ୟାଟ୍ସମ୍ୟାନ ଭାବେ ଜଣାଶୁଣା ‘ରନ୍ ମେସିନ’, କିଙ୍ଗ କୋହଲି ମଙ୍ଗଳବାର ୩୨ବର୍ଷ ବୟସରେ ପଦାର୍ପଣ କରିଛନ୍ତି। ବିରାଟଙ୍କୁ ତାଙ୍କ ଜନ୍ମଦିନ ଅବସରରେ ସାଥି କ୍ରିକେଟରମାନେ ଏବଂ ଅନେକ କିମ୍ବଦନ୍ତୀ କ୍ରିକେଟର ଏବଂ ବିସିସିଆଇ ପକ୍ଷରୁ ଶୁଭେଚ୍ଛାର ସୁଅ ଛୁଟିଛି।
As #TeamIndia Captain @imVkohli turns 31, we take a look back at his maiden ODI hundred and where it all started for the Run Machine. #HappyBirthdayVirat ??? pic.twitter.com/6vNY1U4p8H
— BCCI (@BCCI) November 4, 2019
ଏହି ଦିନଟିକୁ ଖାସ୍ କରିବା ପାଇଁ ବିରଟ ତାଙ୍କ ପତ୍ନୀ ଅନୁଷ୍କାଙ୍କ ସହ ଭୂଟାନରେ ପହଞ୍ଚିଛନ୍ତି। ସେ ୧୯୮୮ ମସିହା ନଭେମ୍ବର ମାସ ୫ ତାରିଖରେ ଦିଲ୍ଲୀରେ ଜନ୍ମଗ୍ରହଣ କରିଥିଲେ । ୨୦୦୮ମସିହା ଅଗଷ୍ଟ ୧୮ରେ ଶ୍ରୀଲଙ୍କା ବିପକ୍ଷରେ ସେ ନିଜର ପ୍ରଥମ ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ। ବିରାଟ୍ ମାତ୍ର ୧୦ ବର୍ଷ ମଧ୍ୟରେ ଏକାଧିକ ରେକର୍ଡକୁ ନିଜ ନାଁରେ କରିଛନ୍ତି। ଏପର୍ୟ୍ୟନ୍ତ ସେ ୮୨ଟି ଷ୍ଟେ ଖେଳିଛନ୍ତି। ଯେଉଁଥିରେ ୫୪.୮ ହାରରେ ମୋଟ ୭୦୬୬ ରନ୍ କରିଛନ୍ତି। ସେଥିମଧ୍ୟରୁ ୨୬ଟି ଶତକ ଏବଂ ୨୨ଟି ଅର୍ଦ୍ଧଶତକ ତାଙ୍କ ନାମରେ ରହିଛି। ସେହିପରି ୨୩୦ଟି ଏକଦିବସୀୟ ମ୍ୟାଚ୍ରୁ ୬୦.୩ ହାରରେ ୧୧୫୨୦ ରନ୍ କରିଛନ୍ତି। ଯେଉଁଥିରେ ୪୩ଟି ଶତକ ଏବଂ ୫୪ଟି ଅର୍ଦ୍ଧଶତକ ସାମିଲ ଅଛି। ଟି-୨୦ରେ ୭୨ଟି ମ୍ୟାଚରୁ ୫୦.୦ ହାରରେ ୨୪୫୦ ରନ୍ କରିଛନ୍ତି। ସେଥିରେ ୨୨ଟି ଅର୍ଦ୍ଧଶତକ ସାମିଲ ଅଛି।
