ମୁମ୍ବଇ: ପ୍ରଶାନ୍ତ ଶର୍ମାଙ୍କ ଦ୍ବାରା ନିର୍ଦେଶିତ ଦକ୍ଷିଣ ଭାରତୀୟ ଚଳଚ୍ଚିତ୍ର ‘ହନୁମାନ’କୁ ପ୍ରଶଂସକମାନେ ଉତ୍ସାହର ସହ ଅପେକ୍ଷା କରିଛନ୍ତି। ଏଥିରେ ତେଜା ସଜ୍ଜା, ଅମୃତା ଆୟର, ବରଲକ୍ଷ୍ମୀ ସାରଥକୁମାର, ଭେନେଲା କିଶୋର, ବିନୟ ରାୟ, ଦୀପକ ଶେଟ୍ଟୀ ଓ ସତ୍ୟା ପ୍ରମୁଖ କଳାକାର ନଜର ଆସିବେ। ଇତି ମଧ୍ୟରେ ଫିଲ୍ମର ହିନ୍ଦୀ ଟ୍ରେଲର ରିଲିଜ୍ ହୋଇଛି, ଯାହା ସାମାଜିକ ଗଣମାଧ୍ୟମରେ ହଇଚଇ ସୃଷ୍ଟି କରିଛି।
ପ୍ରାଇମ ଶୋ ଏଣ୍ଟରଟେନମେଣ୍ଟ ୟୁଟ୍ୟୁବ ପେଜ୍ରେ ‘ହନୁମାନ’ର ଅଫିସିଆଲ ଟ୍ରେଲର ରିଲିଜ୍ କରାଯାଇଛି। ଟ୍ରେଲର ଆରମ୍ଭ ହେଉଛି ଏକ ଅଜ୍ଞତାର ଦୁନିଆରୁ, ଯେଉଁଥିରେ ପାଣି ଭିତରର ଏକ ଦୃଶ୍ୟ ଦେଖିବାକୁ ମିଳିଛି। ଏହାପରେ ଅଭିନେତା ତେଜା ଚିତା ପଛରେ ଦୌଡ଼ୁଥିବା ଏବଂ ଅନେକ ଶକ୍ତିର ଝଲକ୍ ଟ୍ରେଲରେ ଦେଖିବାକୁ ମିଳିଛି। ଏହି ଟ୍ରେଲର ଦେଖିବା ପରେ କମେଣ୍ଟରେ ଲୋକେ ଜୟ ଶ୍ରୀ ହନୁମାନ ନାରା ଦେବା ଆରମ୍ଭ କରିଦେଇଛନ୍ତି। ଏଥିସହ ଟ୍ରେଲର ଲୋମ ହର୍ଷଣକାରୀ ଏବଂ ଏହା ‘ଆନିମଲ୍’, ‘ପଠାନ୍’, ‘ଗଦର ୨’ ଓ ‘ଯୱାନ’ ଭଳି ବ୍ଲକବଷ୍ଟର ଚଳଚ୍ଚିତ୍ରର ରେକର୍ଡ଼ ଭାଙ୍ଗିବ ବୋଲି ଲୋକେ କମେଣ୍ଟରେ ଲେଖିଛନ୍ତି। ଜାନୁଆରୀ ୧୨, ୨୦୨୪ରେ ମୁକ୍ତିଲାଭ କରିବ ‘ହନୁମାନ’।
