ନୂଆଦିଲ୍ଲୀ: ପ୍ରବର୍ତ୍ତନ ନିର୍ଦ୍ଦେଶାଳୟ ଗୁଟଖା ହେରଫେର ମାମଲାରେ ୨୪୬କୋଟି ଟଙ୍କାର ସମ୍ପତ୍ତି ଅସ୍ଥାୟୀ ରୂପେ କୋରଖ କରିଛି। ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଜାରି ବିବୃତ୍ତି ଅନୁଯାୟୀ କୋରଖ ସମ୍ପତ୍ତିରେ ତାମିଲନାଡୁ, ପୁଡୁଚେରୀ ଓ ଆନ୍ଧ୍ରପ୍ରଦେଶରେ ୧୭୪ଟି ଅସ୍ଥାବର ସମ୍ପତ୍ତି ରହିଛି। ମାଡ୍ରାସ ହାଇକୋର୍ଟ ଦ୍ୱାରା ନିର୍ଦ୍ଦେଶ ପରେ ସିବିଆଇ ଦ୍ୱାରା ରୁଜୁ ଏତଲା ଆଧାରରେ ତାମିଲନାଡୁ ସମେତ କେତେକ ରାଜ୍ୟ ଓ କେନ୍ଦ୍ର ସରକାରଙ୍କ ଅଧିକାରୀମାନଙ୍କ ବିରୁଦ୍ଧରେ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ କଳାଧନ ବୈଧ ନିବାରଣ ଆଇନ୍ ଅଧୀନରେ ତଦନ୍ତ କରାଯାଇ ଏହି ପଦକ୍ଷେପ ନିଆଯାଇଛି। ହାଇକୋର୍ଟଙ୍କ ନିର୍ଦ୍ଦେଶ ମୁତାବକ, ଗୁଟଖାର ଅବୈଧ ପ୍ରସ୍ତୁତି, ରପ୍ତାନି, ଯୋଗାଣ ଏବଂ ବିକ୍ରି ଉପରେ ତଦନ୍ତ କରିବାକୁ ଆଦେଶ ଦେଇଥିଲେ।
ସିବିଆଇ ପକ୍ଷରୁ ଗୁଟ୍ଖା ଓ ଅନ୍ୟାନ୍ୟ ତମାଖୁଜାତ ସାମଗ୍ରୀର ଅବୈଧ ଉତ୍ପାଦନ, ରପ୍ତାନୀ, ଯୋଗାଣ, ବଣ୍ଟନ ଓ ବିକ୍ରି ସଂକ୍ରାନ୍ତରେ ସିବିଆଇ ତାମିଲନାଡୁ ଓ ପୁଡୁଚେରୀରେ ତଦନ୍ତ କରୁଛି। ଏ.ଭି. ମାଧବରାଓ, ପି.ଭି. ଶ୍ରୀନିବାସ ରାଓ, ତଲାମ ଉମାଶଙ୍କର ଗୁପ୍ତା ଓ ଅନ୍ୟମାନେ ୨୦୧୩ ଜୁନ୍ ମାସରୁ ୨୦୧୬ ଜୁନ୍ ମାସ ପର୍ଯ୍ୟନ୍ତ ଅବୈଧ ଭାବେ ଗୁଟ୍ଖା ଓ ଅନ୍ୟାନ୍ୟ ତମାଖୁଜାତ ସାମଗ୍ରୀ ଉତ୍ପାଦନ ଓ ବିକ୍ରି କରି ୬୩୯ କୋଟି ଟଙ୍କାର କାରବାର କରିଥିବା ଜଣାପଡିଛି।
