ଗୁରୁଡିଝାଟିଆ : ଗୁରୁଡିଝାଟିଆ ଥାନା ଅନ୍ତର୍ଗତ ଭଗୁଆ ନିକଟସ୍ଥ ଜଙ୍ଗଲ ଭିତରୁ ପୁଲିସ ୨ ଜଣଙ୍କ ଗଳିତ ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ଆଠଗଡ ଉପଖଣ୍ଡ ଚିକିିିତ୍ସାଳୟକୁ ପଠାଇଛି। ମୃତକ ଜଣେ ଯୁବକ ଓ ଜଣେ ଯୁବତୀ ଅଟନ୍ତି। ସେମାନଙ୍କ ବୟସ ପ୍ରାୟ ୩୦ ରୁ ୩୫ବର୍ଷ ହେବ ବୋଲି ପୁଲିସ ଅନୁମାନ କରୁଛି। ଶବ ନିକଟରୁ ମଦ ବୋତଲ ଜବତ କରିଛି ପୁଲିସ । ତତ୍ ସହିତ ସେମାନଙ୍କ ଦୁଇଟି ଛୋଟ ଫୋନ୍ ଜବତ କରିଛି। ସେମାନଙ୍କ ପ୍ରକୃତ ପରିଚୟ ମିଳିନାହିଁ। ଏ ନେଇ ପୁଲିସ ଦୁଇଟି ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛି। ଥାନା ଅଧିକାରୀ ରଞ୍ଜନ କୁମାର ପ୍ରଧାନ ଘଟଣାସ୍ଥଳରେ ପହଞ୍ଚି ଶବକୁ ଜବତ କରିଥିଲେ। ଶବଟି ଗଳିତ ହୋଇଥିବାରୁ ପ୍ରାୟ ୪ଦିନ ପୂର୍ବରୁ ମୃତ୍ୟୁବରଣ କରିଥିବା ପୁଲିସ ଅନୁମାନ କରୁଛି।
Comments are closed.