ନୂଆଦିଲ୍ଲୀ : ଖାଉଟିଙ୍କ ଉପରେ ମହଙ୍ଗା ମାଡ। ଲଗ।ତାରେ ବୃଦ୍ଧି ପାଉଛି ବିଭିନ୍ନ ଖାଦ୍ୟ ସହ ନିତ୍ୟ ବ୍ୟବହାର ହେଉଥିବା ଜିନିଷ। ଏବେ ପୁଣି କିଛି ସ୍ୱତନ୍ତ୍ର ଖାଦ୍ୟ ଜିନିଷ ଉପରେ ଲାଗୁ ହୋଇଛି ଜିଏସଟି (ସାମଗ୍ରୀ ଓ ସେବା କର)। ବର୍ତ୍ତମାନ ପ୍ୟାକେଟ୍ ଦହି, ଲେବଲ ଥିବା ଦହି, ପନୀର, ଲସି, ମହୁ, ମୁଢି, ଚୂଡା ଓ ଅନ୍ୟ ନିତିଦିନିଆ ବ୍ୟବହାର ହେଉଥିବା ଜିନିଷର ମୂଲ୍ୟ ଉପରେ ଆଜି ଠାରୁ ଅଧିକ ଜିଏସଟି ଦେବାକୁ ପଡିବ। ଗତ ମାସରେ ହୋଇଥିବା ବୈଠକରେ ଜିଏସିଟି ପରିଷଦ ବିଭିନ୍ନ ଜିନିଷ ଉପରେ ଜିଏସଟି ଦର ଉପରେ ପରିବର୍ତ୍ତନ କରିଛନ୍ତି।
ଫଳରେ ଏବେ ଠାରୁ ଦହି, ଲସି, ପନୀର, ମହୁ, ଚାଉଳ, ମାଛ ଓ ମାଂସ ଆଦି କିଣିବା ବେଳେ ୫ ପ୍ରତିଶତ ଜିଏସଟି ଦେବାକୁ ପଡିବ।
ଜାଣନ୍ତୁ କ’ଣ ହେବ ମହଙ୍ଗା, କେତେ ପ୍ରତିଶତ…
ଦହି,ଲସି,ପନୀର,ମହୁ,ଚାଉଳ ମାଛ ଓ ମାଂସ – ୫%
ହସ୍ପିଟାଲରେ ୫,୦୦୦ଟଙ୍କାରୁ ଅଧିକ ରୁମ୍ ( ଆଇସିୟୁ ନୁହେଁ) – ୫%
ହୋଟେଲର ଦିନକୁ ୧,୦୦୦ ଟଙ୍କା କମ ଥିବା ରୁମ୍ -୧୨%
ବିଭିନ୍ନ ପ୍ରକାର ଲେଖିବା, ଚିତ୍ରାଙ୍କନ କାଳି, ଏଲଇଡି ଲାଇଟ, ଏଲଇଡ ଲ୍ୟାମ୍ପ – ୧୮%
ବ୍ଲେଡ, ଛୁରୀ, ଚାମଚ, କଣ୍ଟା ଚାମଚ – ୧୮%
ଅଟାକଳ ମେସିନ୍ , ଡାଲି ମେସିନ୍ – ୧୮%
କୃଷି ଉପକରଣର ବିଭିନ୍ନ ମେସିନ୍ – ୧୮%
ମାଟିରେ ନିର୍ମିତ ଜିନିଷ – ୧୨%
