ନୂଆଦିଲ୍ଲୀ : ପୁଲିସ ବାହିନୀର ଆଧୁନିକୀକରଣ ପାଇଁ ୨୦୨୧-୨୨ ଆର୍ଥିକ ବର୍ଷରୁ ୨୦୨୫-୨୬ ଆର୍ଥିକ ବର୍ଷ ପର୍ଯ୍ୟନ୍ତ କେନ୍ଦ୍ର ସରକାର ୨୬ହଜାର ୨୭୫କୋଟି ଟଙ୍କାର କେନ୍ଦ୍ରୀୟ ପାଣ୍ଠି ମଞ୍ଜୁର କରିଛନ୍ତି । ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହା କହିଛନ୍ତି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡ଼ିକର ପୁଲିସ ବାହିନୀକୁ ଆଧୁନିକୀକରଣ କରିବା ପାଇଁ ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଅନେକ ପଦକ୍ଷେପ ନିଆଯାଇଛି । ସେ କହିଛନ୍ତି ପୁଲିସ ବିଭାଗରେ ଉନ୍ନତି ଆଣିବା ଓ ଆଧୁନିକୀକରଣ ପାଇଁ ଯେତେସବୁ ଉପଯୋଜନା ରହିଛି ସେଗୁଡ଼ିକୁ ଏକତ୍ରୀକରଣ କରାଯାଇ ଏକ ବୃହତ ଯୋଜନାରେ ରୂପାନ୍ତରିତ କରାଯାଇଛି ।
ଏହି ଯୋଜନା ଅଧୀନରେ ଅନ୍ତର୍ଜାତୀୟ ନିରାପତ୍ତା, ଆଇନ ଶୃଙ୍ଖଳା, ପୁଲିସ ବାହିନୀ ଦ୍ୱାରା ଆଧୁନିକ କାରିଗରି ବିଦ୍ୟାର ଉପଯୋଗ, ରାଜ୍ୟମାନଙ୍କୁ ନିଶା ଔଷଧ ନିୟନ୍ତ୍ରଣ ପାଇଁ ସହାୟତା, ଦେଶରେ ମଜଭୁତ ଫୋରେନ୍ସିକ୍ ବ୍ୟବସ୍ଥା ଜରିଆରେ ଅପରାଧ ଓ ନ୍ୟାୟ ବ୍ୟବସ୍ଥାକୁ ମଜଭୁତ କରିବା ଲାଗି ଯୋଜନା କରାଯାଇଛି । ପୁଲିସ ବାହିନୀକୁ ଆଧୁନିକୀକରଣ କରିବା ଯୋଜନା ବାବଦରେ କେନ୍ଦ୍ର ସରକାର ୪ହଜାର ୮୪୬କୋଟି ଟଙ୍କା ବ୍ୟୟବରାଦ ରଖିଛନ୍ତି। ଜାମ୍ମୁ-କାଶ୍ମୀରରେ ନିରାପତ୍ତା, ଉତ୍ତର ପୂର୍ବାଞ୍ଚଳ ରାଜ୍ୟ ଗୁଡ଼ିକରେ ଦେଶାଦ୍ରୋହାତ୍ମକ କାର୍ଯ୍ୟକଳାପ ଏବଂ ମାଓବାଦୀ ଦମନ ପାଇଁ କେନ୍ଦ୍ର ସରକାର ୧୮ହଜାର ୮୩୯କୋଟି ଟଙ୍କା ବ୍ୟୟ ପାଇଁ ମଞ୍ଜୁର କରିଛନ୍ତି ।
