ଗୋପାଳପୁର – ଲାଇଫ୍ଗାର୍ଡଙ୍କ ଯୋଗୁଁ ବଞ୍ଚିଗଲେ ପର୍ଯ୍ୟଟକ । ଗୋପାଳପୁର ସମୁଦ୍ରରେ ମଙ୍ଗଳବାର ଅପରାହ୍ନ ପ୍ରାୟ ୬ ଟା ସମୟରେ ଜଣେ ପର୍ଯ୍ୟଟକ ସମୁଦ୍ରରେ ବୁଡ଼ି ଯାଉଥିବା ବେଳେ ଉପସ୍ଥିତ ଥିବା ଲାଇଫଗାର୍ଡ ଜି.ଚିଟି ବାବୁ ତାଙ୍କୁ ଉଦ୍ଧାର କରି କୂଳକୁ ଆଣିଥିଲେ ।
ସୂଚନା ଅନୁସାରେ ସୋରଡ଼ା ଅଞ୍ଚର ରାକେଶ କୁମାର ଜେନାଙ୍କ ସମେତ ୩ ଜଣ ସାଙ୍ଗ ଗୋପାଳପୁର ବୁଲିବାକୁ ଆସି ହୋଟେଲ ସି ସାଇଡ ବ୍ରିଜ ନିକଟରେ ଥିବା ବେଳାଭୂମି ଠାରେ ଗାଧୋଉ ଥିଲେ । ଏହା ସମୟରେ ଅସାବଧାନତା ହେତୁ ରାକେଶ ସମୁଦ୍ର ସ୍ରୋତରେ ଭିତରକୁ ପ୍ରାୟ ଏକ ଶହ ମିଟର ଚାଲି ଯାଇଥିଲେ । ବେଳାଭୂମିରେ ନିୟୋଜିତ ଲାଇଫଗାର୍ଡ ଜି.ଚିଟି ବାବୁ,ଜି.କାଳୀ ଶଙ୍କର ଘଟଣା ସ୍ତଳରେ ପହଞ୍ଚି ସ୍ଥାନୀୟ ଲୋକ ଓ ପୁଲିସଙ୍କ ସହାୟତାରେ ରାଜେଶ କୁ ଉଦ୍ଧାର କରିଥିଲେ । ପରେ ତାଙ୍କୁ ଉପରକୁ ଆଣି ପ୍ରାଥମିକ ଚିକିତ୍ସା ପରେ ଛାଡି ଦିଆଯାଇଛି ।
