ଗୋପାଳପୁର : ରଙ୍ଗେଇଲୁଣ୍ଡା ବ୍ଲକର ଚାଷୀକୁଳଙ୍କ ଦୁଃଖ ଭାବେ ପରିଚିତ ପାଟ ନଇର ପୁନରୁଦ୍ଧାର ସହ ପୁରୁଣା ବ୍ରିଜକୁ ହଟାଇବା ପାଇଁ ଅନେକ ଚାଷୀ ବ୍ରହ୍ମପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ଅନୁଷ୍ଠିତ ଅଭିଯୋଗ ଶୁଣାଣୀରେ ଅଭିଯୋଗ କରିବା ସହ ଦାବି ପତ୍ର ପ୍ରଦାନ କରିଛନ୍ତି। ଚାଷୀଙ୍କ ଅଭିଯୋଗ ଅନୁଯାୟୀ ଦୀର୍ଘ ବର୍ଷ ଧରି ବାହାନା ନାଳ ଓ ସାପୁଆ ନାଳରେ ପ୍ରବାହିତ ହେଉଥିବା ବର୍ଷା ଜଳ ମାର୍କଣ୍ଡି ମୁହାଣ ଦେଇ ସମୁଦ୍ରରେ ମିଶି ଥାଏ। କିନ୍ତୁ ଏହି ଦୁଇ ନାଳର ଜଳ ପ୍ରବାହିତ ହେଉଥିବା କେନାଲ ଗୁଡ଼ିକର ଉଚିତ ରକ୍ଷଣାବେକ୍ଷଣ ଅଭାବରୁ ବର୍ଷା ଦିନ ମାନଙ୍କରେ ତଳିଆ ଅଞ୍ଚଳରେ ରହିଥିବା ଚାଷ ଜମିରେ ପାଣି ଜମି ଫସଲ ନଷ୍ଟ ହେଉଥିଲା। ଏହା ନେଇ ବିଭିନ୍ନ ସମୟରେ ଦାବି ଉପସ୍ଥାପନ ପରେ ସରକାରଙ୍କ ପକ୍ଷରୁ ମାର୍କଣ୍ଡିକୁ ସଂଯୋଗ କରୁଥିବା ରାସ୍ତାରେ ଥିବା ପୁରୁଣା ବ୍ରିଜ ସ୍ଥାନ ନୂଆ ବ୍ରିଜ ନିର୍ମାଣ ସହ ଦେଢବର୍ଷ ହେଲା କାର୍ଯ୍ୟକ୍ଷମ ହୋଇ ଥିଲେ ମଧ୍ୟ ପୁରୁଣା ବ୍ରିଜକୁ ସେହି ସ୍ଥାନରୁ ହଟାଯାଇ ନଥିବାରୁ ବର୍ଷା ଦିନ କେନାଲର ଦଳ ଗୁଡିକ ସେଠାରେ ଜମି ରହିଥିବାରୁ ବର୍ଷା ଜଳ ସଠିକ ଭାବେ ନିଷ୍କାସନ ହୋଇ ନପାରି ଜମିବା କୋଳଥିଗାଁ ସମେତ ଅନ୍ୟାନ୍ୟ ଅଞ୍ଚଳର ଚାଷ ଜମିରେ ବର୍ଷା ଜଳ ମାଡ଼ି ଯାଇ ଫସଲ ନଷ୍ଟ ହେଉଥିବା ଚାଷୀ ବିଜୟ ଚନ୍ଦ୍ର ଦଳାଇ, ଶ୍ରୀକାନ୍ତ ଦଳାଇ,ବାବାନାଥ ପାତ୍ର ପ୍ରମୁଖ ଅଭିଯୋଗ କରିଛନ୍ତି।
Comments are closed.