ଭୁବନେଶ୍ୱର : ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରୁ ଗୁରୁବାର ପୁଣି ସୁନା ଜବତ କରିଛନ୍ତି କଷ୍ଟମ ବିଭାଗ। କୁଆଲାଲୁମ୍ପୁରରୁ ଆସିଥିବା ଚେନ୍ନାଇର ୨ଜଣ ଯୁବକଙ୍କ ନିକଟରୁ ୬୧୨ଗ୍ରାମ ସୁନା ଜବତ ହୋଇଛି । ଜବତ ସୁନାର ମୂଲ୍ୟ ୨୨ଲକ୍ଷ ଟଙ୍କା ହେବ ବୋଲି ବିମାନବନ୍ଦର ଅଧିକାରୀ ସୂଚନା ଦେଇଛନ୍ତି। କ୍ୟାପସୁଲ ଆକାରରେ ୭ଟି ପ୍ଲାଷ୍ଟିକ ଡବାରେ ସୁନା ଭର୍ତ୍ତି କରି ଆଣୁଥିଲେ ୨ଯୁବକ। ତେବେ ୨ଜଣ ଯୁବକ ସୁନା କେଉଁଠିକୁ ନେଛଥିଲେ ସେ ନେଇ ଅଧିକ ତଦନ୍ତ କରୁଛି ବିମାନବନ୍ଦର କଷ୍ଟମ ବିଭାଗ ।
ସୂଚନା ଅନୁଯାୟୀ ଭୁବନେଶ୍ୱର ବିମାନବନ୍ଦରରୁ ଗତ ୨ମାସ ମଧ୍ୟରେ ଅନେକ ଥର ସୁନା ଜବତ କରିଛି କଷ୍ଟମ ବିଭାଗ । ବୁଧବାର ଅପରାହ୍ନରେ ଏୟାର ଏସିଆ ବିମାନରେ ବ୍ୟାଙ୍କକରୁ ଆସିଥିବା ଜଣେ ଯାତ୍ରୀଙ୍କ ଠାରୁ ସୁନା ଜବତ ହୋଇଥିଲା । ବିମାନବନ୍ଦରର କଷ୍ଟମ ବିଭାଗ ଅଧିକାରୀ ଯାତ୍ରୀଙ୍କଠାରୁ ୧୫୧ ଗ୍ରାମ ସୁନା ଜବତ କରିଥିଲେ।
ପୁଣି ଭୁବନେଶ୍ୱର ବିମାନବନ୍ଦରରୁ ସୁନା ଜବତ
Popular Categories
Previous article
Next article