ଧାମରା: ଭଦ୍ରକ ଜିଲା ଜିଲା ଧାମରା ଥାନା ଅନ୍ତର୍ଗତ ଦୋସିଙ୍ଗା ପଞ୍ଚାୟତରେ ଏକ ନାବାଳିକା ଗଣ ଦୁଷ୍କର୍ମର ଶିକାର ହୋଇଥିବା ନେଇ ଥାନାରେ ଅଭିଯୋଗ ହୋଇଛି। ସୋମବାର ବିଳମ୍ବିତ ରାତିରେ ନାବାଳିକା ଏକୁଟିଆ ଶୋଇଥିବା ବେଳେ ସେହି ଗ୍ରାମର ତାପସ ସାହୁ(୩୦) ଏବଂ ସମିପାଟିଆ ଗ୍ରାମର ବିଟୁ ଖଟୁଆ ଏକ ନିଛାଟିଆ ସ୍ଥାନକୁ ଉଠାଇ ନେଇଥିଲେ। ସେଠାରେ ନାବାଳିକାଙ୍କ ସହ ଗଣଦୁଷ୍କର୍ମ କରିବା ପରେ ଚେତାଶୂନ୍ୟ ଅବସ୍ଥାରେ ତାଙ୍କୁ ଛାଡି ଅଭିଯୁକ୍ତମାନେ ଫେରାର ହୋଇ ଯାଇଥିଲେ। ଏନେଇ ନାବାଳିକାଙ୍କ ବାପା ଧାମରା ଥାନାରେ ଲିଖିତ ଅଭିଯୋଗ କରିବା ପରେ ଧାମରା ଥାନାଧିକାରୀ ସଂପୃକ୍ତ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି। ଏହା ସହ ନାବାଳିକାଙ୍କୁ ଡାକ୍ତରୀ ମାଇନା ପାଇଁ ପଠାଇଛନ୍ତି।
Popular Categories
Previous article
Next article