ମୋହନା : ଗଜପତି ଜିଲା ଅଡବା ଥାନା ପୁଲିସ ୮୫ କେଜି ଚୋରା ଗଞ୍ଜେଇ ଜବତ କରିବା ସହ କାର ଓ କାର ଚାଳକକୁ ଗିରଫ କରିଥିବା ଥାନା ଆଇଆଇସି ମୁକେଶ ଲାକ୍ରା କହିଛନ୍ତି। ଅଡବା ଥାନା ଏସଆଇ ମମତା ପଣ୍ଡା ଓ ପୁଲିସ କର୍ମଚାରୀ ମିଳିତଭାବେ ରାତ୍ରକାଳୀନ ପେଟ୍ରୋଲିଂ କରୁଥିବା ସମୟରେ ବିରିକୋଟ ନିକଟ ଭୁରୁଡୁ ଡ୍ୟାମ ସାଇଟରେ ରାୟଗଡା ଜିଲା ଗୁଣପୁରରୁ ବ୍ରହ୍ମପୁରକୁ ୮୫.୫୧୫ କେଜି ଚୋରା ଗଞ୍ଜେଇ ଚାଲାଣ ହେଉଥିବା ବେଳେ ପୁଲିସ ହାବୁଡରେ ଧରାପଡିଛି। ଏକ ଧଳା ରଙ୍ଗଳ ଇଣ୍ଡିଗୋ କାର ନଂ ଓଡି ୦୨ ୭୬୦୨ ଯୋଗେ ୪ଟି ପଲିଥିନ ବ୍ୟାଗରେ ଉକ୍ତ ଗଞ୍ଜେଇ ରଖାଯାଇଥିଲା। ଅଡବା ପୁଲିସ ସନ୍ଦେହ କରି କାରକୁ ଅଟକାଇ ଜାଂଚ କରିବା ବେଳେ କାର ମଧ୍ୟରୁ ବିପୁଳ ପରିମାଣରେ ଗଞ୍ଜେଇ ଜବତ ହୋଇଥିଲା। କାର ଚାଳକ ଗୁଣୁପୁର ଗ୍ରାମର ଜିବରତ୍ନ ଟାକରୀକୁ ଗିରଫ କରିବା ସହ ଗାଡିକୁ ଜବତ କରି ତଦନ୍ତ ଜାରି ରଖିଥିବା ଏସଆଇ ୟୁ କେ ପ୍ରଧାନ କହିଛନ୍ତି।
