ନୂଆଦିଲ୍ଲୀ : ପ୍ରଖ୍ୟାତ ଅଭିନେତା ଅନୁପମ ଖେର, ଭାରତୀୟ ଫିଲ୍ମ ଓ ଟେଲିଭିଜନ ପ୍ରତିଷ୍ଠାନ(ଏଫଟିଆଇଆଇ) ଅଧ୍ୟକ୍ଷ ପଦରୁ ଇସ୍ତଫା ଦେଇଛନ୍ତି । ନିଜର ବ୍ୟସ୍ତ କାର୍ଯ୍ୟସୂଚୀ ଯୋଗୁଁ ସେ ଇସ୍ତଫା ଦେଇଥିବା କହିଛନ୍ତି । ୨୦୧୭ ଅକ୍ଟୋବରରେ ଅନୁପମ ଖେରଙ୍କୁ ଫିଲ୍ମ ଏବଂ ଟେଲିଭିଜନ ଇନଷ୍ଟିଚ୍ୟୁଟ ଅଫ ଇଣ୍ଡିଆର ଅଧ୍ୟକ୍ଷ ଭାବେ ନିଯୁକ୍ତ କରାଯାଇଥିଲା । ୨୦୧୫ରେ ନିଯୁକ୍ତି ପାଇଥିବା ଗଜେନ୍ଦ୍ର ଚୌହାନଙ୍କ ସ୍ଥାନରେ ତାଙ୍କୁ ନିଯୁକ୍ତି ଦିଆଯାଇଥିଲା ।ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଅଧିନସ୍ଥ ଏଫଟିଆଇଆଇ ଅଧ୍ୟକ୍ଷଙ୍କ କାର୍ଯ୍ୟକାଳ ୩ ବର୍ଷ ହୋଇଥାଏ । କିନ୍ତୁ ଅନୁପମ ଖେର ଏକ ବର୍ଷ ମଧ୍ୟରେ ହିଁ ଇସ୍ତଫା ଦେଇଛନ୍ତି ।
ଅନୁପମ ଖେର ବର୍ତ୍ତମାନ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ଜୀବନ ଉପରେ ଆଧାରିତ ଚଳଚିତ୍ର ’ଦି ଆକ୍ସିଡେଣ୍ଟାଲ ପ୍ରାଇମ ମିନିଷ୍ଟର’ରେ ବ୍ୟସ୍ତ ଅଛନ୍ତି । ଚଳଚିତ୍ରର ସୁଟିଂ ଶେଷ ହୋଇ ଯାଇଛି । ସେ ଏଥିରେ ମନମୋହନ ସିଂହଙ୍କ ଭୂମିକାରେ ଅଭିନୟ କରିଛନ୍ତି।
