ଭୁବନେଶ୍ୱର: ଭୁବନେଶ୍ୱର ଜନତା ମଇଦାନରେ ଆୟୋଜିତ ‘ମେକ୍ ଇନ୍ ଓଡ଼ିଶା କନକ୍ଲେଭ’ କାର୍ଯ୍ୟକ୍ରମରେ ଖ୍ୟାତନାମା ଫ୍ୟାସନ ଡିଜାଇନର୍ ବିଭୁ ମହାପାତ୍ର ତାଙ୍କ ପରିଧାନ ସମାଗ୍ରୀର ପ୍ରଦର୍ଶନ କରିଛନ୍ତି।
- Advertisement -
ଶୀତର ଆଗମନରେ ଆଜିର ଯୁଗରେ ମହିଳାଙ୍କ ରୁଚିକୁ ଦୃଷ୍ଟିରେ ରଖି ଶ୍ରୀ ମହାପାତ୍ର ତାଙ୍କ ସାମଗ୍ରୀ ପ୍ରସ୍ତୁତ କରିଥିଲେ। ୫୦ରୁ ଊର୍ଦ୍ଧ୍ବ ମହିଳା ର୍ୟାମ୍ପରେ ବିଭୁଙ୍କ ସାମଗ୍ରୀକୁ ପରିଧାନ କରି ଦର୍ଶକଙ୍କ ସମ୍ମୁଖକୁ ଆସିଥିଲେ। ଏହି ପ୍ରଦର୍ଶନୀର ବିଶେଷ ଆକର୍ଷଣ ଥିଲା ଓଡ଼ିଶାରେ ନିର୍ମିତ ଲୁଗା ଓ ହସ୍ତକଳାରେ ନିର୍ମିତ ଡିଜାଇନର ଡ୍ରେସ। ଓଡ଼ିଶାର ସମ୍ବଲପୁରୀ, ପାଟ ପ୍ରମୁଖ ଶାଢୀକୁ ଆଧୁନିକ ଢଙ୍ଗରେ ପରିବେଶଣ କରିଥିଲେ ବିଭୁ।
ଏହି ପ୍ରଦର୍ଶନୀରେ ଖ୍ୟାତନାମା ସିନେ ଅଭିନେତ୍ରୀ ଅର୍ଚ୍ଚିତା ସାହୁ ଦର୍ଶକଙ୍କ ମୁଖ୍ୟ ଆକର୍ଷଣ ଥିଲେ।
