ଭୁବନେଶ୍ୱର .- ଅତି ଭୀଷଣ ସାମୁଦ୍ରିକ ଝଡ ଫନି ଯୋଗୁଁ ସେସୁର ୧୦ ହଜାର ବିଦ୍ୟୁତ ଖୁଣ୍ଟ ଭାଙ୍ଗିବା ସହ ୧୨୦୦ କୋଟି ଟଙ୍କାକୁ ଅଧିକ କ୍ଷତି ହୋଇଥିବା ,ସେସୁର ପକ୍ଷରୁ ସୂଚନା ଦିଆଯାଇଛି । ପୁରୀରେ ସର୍ବାଧିକ କ୍ଷତି ହୋଇଛି। ଅନେକ ଟାଓ୍ୱାର ଭାଙ୍ଗିପଡିଥିବା ସହ ଖୁଣ୍ଟି ଉପୁଡିଯାଇଛି । ଭୁବନେଶ୍ୱରରେ ୧୫ଶହ କର୍ମଚାରୀ ଏବେ ନିୟୋଜିତ ଅଛନ୍ତି । ବିଭିନ୍ନ ସ୍ଥାନରେ ଖୁଣ୍ଟିପୋତିବା ସହ ତାର ଭିଡିବା କାର୍ଯ୍ୟରେ ଏମାନଙ୍କୁ ନିୟୋଜିତ କରାଯାଇଛି । ରବିବାର ରାତି ସୁଦ୍ଧା ଗୁରୁତ୍ୱପୂର୍ଣ୍ଣ ସରକାରୀ ସଂସ୍ଥାମାନଙ୍କୁ ରବିବାର ରାତି ସୁଦ୍ଧା ବିଦ୍ୟୁତ ଯୋଗାଣ କରାଯିବ । ଡାକ୍ତରଖାନା, ବିମାନ ବନ୍ଦର ଓ ରେଳବାଇକୁ ପ୍ରଥମେ ବିଦ୍ୟୁତ ଯୋଗାଇ ଦିଆଯିବ ବୋଲି ଶକ୍ତି ସଚିବ ହେମନ୍ତ ଶର୍ମା ସୂଚନା ଦେଇଛନ୍ତି ।
ପୁରୀ, କଟକ ଓ ଭୁବନେଶ୍ୱରରେ ଯୁଦ୍ଧକାଳୀନ ଭିତ୍ତିରେ କାମ ଚାଲିଛି । କଟକର ସମସ୍ତ ଗ୍ରୀଡର କାମ ଶେଷ ହୋଇଥିବାବେଳେ ସୋମବାର ସୁଦ୍ଧା ରାଜଧାନୀ ଭୁବନେଶ୍ୱରରେ ସମସ୍ତ ଗ୍ରୀଡ କାମ ଶେଷ ହେବ ବୋଲି ସେ ସୂଚନା ଦେଇଛନ୍ତି । ପୁରୀରେ ଗ୍ରୀଡ କାମ ଶେଷ ହେବା ପାଇଁ ଆହୁରି ତିନିଦିନ ସମୟ. ଲାଗିବ ବୋଲି ସୂଚନା ମିଳିଛି ।
