ମୁମ୍ବାଇ: ସାଉଥ ସିନେମାରେ ନଜର ଆସିବେ ପୂର୍ବତନ ଟିମ୍ ଇଣ୍ଡିଆର ଅଧିନାୟକ ମହେନ୍ଦ୍ର ସିଂ ଧୋନି । ସାକ୍ସିଙ୍କ ଫିଲ୍ମ ପ୍ରଡକ୍ସନ୍ ହାଉସ୍ ତାମିଲ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ମହେନ୍ଦ୍ର ସିଂ ଧୋନି ଓ ତାଙ୍କ ପତ୍ନୀ ଏଣ୍ଟ୍ରି କରିବାକୁ ଯାଉଛନ୍ତି । ପ୍ରଡକ୍ସନ ହାଉସ ତରଫରୁ ଏନେଇ ମଧ୍ୟ କିଛି ସୂଚନା ଦିଆଯାଇଛି । କୁହାଯାଇଛି କି, ଧୋନି ଏଣ୍ଟରଟେନମେଣ୍ଟ ଖୁବଶୀଘ୍ର ତାମିଲରେ ଏହାର ପ୍ରଥମ ଚଳଚ୍ଚିତ୍ର ନିର୍ମାଣ କରିବାକୁ ଯାଉଛି । ଏହାର ସଂଳାପ ସାକ୍ସି ସିଂ ପ୍ରସ୍ତୁତ କରିଛନ୍ତି । ଏହି ଚଳଚ୍ଚିତ୍ର ପାରିବାରିକ ମନୋରଞ୍ଜନ ହେବ |
ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବାକୁ ଯାଉଛନ୍ତି ରମେଶ ଥାମିଲମାନି। ଏହାପୂର୍ବରୁ ସେ “ଆଥର୍ବ – ଦ ଓରିଜିନ୍” ନାମକ ଏକ ଉପନ୍ୟାସ ମଧ୍ୟ ଲେଖିଛନ୍ତି । ଏହିକୁ ନେଇ ଫିଲ୍ମର ନିର୍ଦ୍ଦେଶକ କହିଛନ୍ତି, ‘ଯେତେବେଳେ ମୁଁ ସାକ୍ସିଙ୍କ ଦ୍ୱାରା ଲିଖିତ ସଂଳାପ ପଢ଼ିଥିଲି । ସେତେବେଳେ ଏହା ମୋତେ କିଛି ଅଲଗା ଲାଗିଥିଲା । ତାହା ଛଡ଼ା ଧୋନି ଏଣ୍ଟରଟେନମେଣ୍ଟ ତାମିଲ ବ୍ୟତୀତ କିଛି ସ୍ୱତନ୍ତ୍ର କରିବାକୁ ଚେଷ୍ଟା କରୁଛି । ଅନେକ ଚଳଚ୍ଚିତ୍ର ନିର୍ମାତା ଏବଂ ଲେଖକଙ୍କ ସହ ପ୍ରଡକ୍ସନକୁ ନେଇ ଆଲୋଚନା କରାଯାଉଛି ।
Comments are closed.