ନୂଆଦିଲ୍ଲୀ: ବିଶ୍ୱସ୍ତରୀୟ ଅଗ୍ରଣୀ କ୍ରୀଡା ପରିଧାନ ପ୍ରସ୍ତୁତକାରୀ କମ୍ପାନୀ ଆଡିଡାସ୍, ବିଶ୍ୱସ୍ତରରେ ସୁନାମ ଅର୍ଜନ କରିଥିବା ସୁପରଷ୍ଟାର ତଥା ଯୁବ ଆଇକନ ଦୀପିକା ପାଦୁକୋନେଙ୍କୁ ନିଜ ବ୍ରାଣ୍ଡ୍କୁ ସ୍ୱାଗତ କରିଛି । ଉଭୟ ଶାରୀରିକ ଏବଂ ମାନସିକ ସୁସ୍ଥତା ନିମନ୍ତେ ଉଭୟଙ୍କର ସମାନ ପ୍ରତିବଦ୍ଧତା ଉପରେ ପାଦୁକୋନେ ଆଡିଡାସ୍ ସହିତ ନିବିଡ ଭାବରେ ମିଶି କାର୍ଯ୍ୟ କରିବେ । ଏ ସମ୍ପର୍କରେ ପ୍ରକାଶ କରି ଦୀପିକା ପାଦୁକୋନେ କହିଛନ୍ତି, ଜଣେ କ୍ରୀଡାବିତ ଭାବେ ଏବଂ କ୍ରୀଡାରେ ଅଂଶଗ୍ରହଣ କରିବା ତାଙ୍କ ବ୍ୟକ୍ତିତ୍ୱକୁ ଏକ ନିର୍ଦ୍ଦିଷ୍ଟ ରୂପ ଦେବାରେ ଉଲ୍ଲେଖନୀୟ ଭୂମିକା ଗ୍ରହଣ କରିଛି ଏବଂ ଆଜି ସେ ଯାହା ହୋଇଛି, ସେହି ବ୍ୟକ୍ତି ଭାବରେ ତାଙ୍କୁ ଗଢିତୋଳିବାରେ ସହାୟକ ହୋଇଛି । ଏହା ତାଙ୍କୁ ଏଭଳି ମୂଲ୍ୟବୋଧ ଶିକ୍ଷା ଦେଇଛି ଯାହା ଜୀବନର ଅନ୍ୟ କୋ÷ଣସି ଅଭିଜ୍ଞତାରୁ ମିଳିପାରିନଥାନ୍ତା । ସଂପ୍ରତି ଉଭୟ ଶାରୀରିକ ଏବଂ ମାନସିକ ସୁସ୍ଥତା ତାଙ୍କ ଜୀବନଚର୍ଯ୍ୟାର ଅବିଚ୍ଛେଦ୍ୟ ଅଙ୍ଗ ପାଲଟିଛି । ବ୍ରାଣ୍ଡ୍ ଆଡିଡାସ୍ ଇଣ୍ଡିଆର ସିନିୟର ଡାଇରେକ୍ଟର ସୁନିଲ ଗୁପ୍ତା କହିଛନ୍ତି, ଆଡିଡାସ୍ ପରିବାର ସହିତ ଦୀପିକା ଯୋଗଦେବା ନେଇ ସେମାନେ ଉଲ୍ଲସିତ ଏବଂ ସମ୍ମିଳିତ ଭାବରେ ସେମାନେ ଅଧିକରୁ ଅଧିକ ମହିଳା ଯେଭଳି ସେମାନଙ୍କ ଠାରେ ରହିଥିବା ସମ୍ଭାବନାକୁ ଦେଖିପାରିବେ ଏବଂ ତାହା ସାକାର କରିବେ, ସେଥିପାଇଁ ସେମାନଙ୍କୁ ପ୍ରେରଣା ଦେବାକୁ ସେମାନେ ଆଶା କରୁଛନ୍ତି ।
Popular Categories
Previous article
Next article