ଧାମରା : ଭଦ୍ରକ ଜିଲା ବାଂଶଡା ଥାନା ଅଧିନସ୍ଥ ଚଡଦିଆ ପଞ୍ଚାୟତ ତ୍ରୀନାଥ ବଜାର ସାର୍ବଜନୀନ ସରସ୍ୱତୀ ପଡିଆରେ ଅପେରା ଶୋ ଚାଲିଥିବାବେଳେ ପୁର୍ବ ଶତ୍ରୂତାକୁ କେନ୍ଦ୍ରକରି ଜଣେ ଯୁବକକୁ ଛୁରାମାଡ ହୋଇଛି। ଏହି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି।
ଘଟଣାରୁ ଯାହା ଜଣାଯାଏ ସରସ୍ୱତୀ ପୂଜା ଉପଲକ୍ଷେ ଚାନ୍ଦବାଲି ବ୍ଲକ ଚଡଦିଆ ସରସ୍ୱତୀ ପୂଜା ପଡିଆରେ ଏକ ଅପେରା ଶୋ ଚାଲିଥିବା ବେଳେ ଗତକାଲି ରାତିରେ ପୁର୍ବ ଶତ୍ରୂତାକୁ କେନ୍ଦ୍ର କରି ଧାମରା ଅଞ୍ଚଳର ଯୁବକ ଭଜୁ ତରାଇ ଓରଫ ଲକି ତରାଇ ଏବଂ ତାଙ୍କ ସହଯୋଗୀ ଗୟାଧର ପରିଡାଙ୍କ ପୁଅ ରଘୁନାଥ ପରିଡା ଚାନ୍ଦବାଲି ବ୍ଲକ ଓରାସାହି ପଞ୍ଚାୟତ ନେଢୁଆଳି ଗ୍ରାମର ପ୍ରକାଶ ମାଝୀକୁ ଛୁରାରେ ଆକ୍ରମଣ କରିଥିଲେ।
ଯାତ୍ରା କମିଟର କର୍ମକର୍ତାମାନେ୩ ଜଣେ ଆସାମୀକୁ ଓରଫ ଲକିକୁ ଧରି ବାଂଶଡା ଥାନାକୁ ଖବର ଦେଇଥିବା ବେଳେ ଅନ୍ୟ ଜଣେ ଆସାମୀ ରଘୁନାଥ ଖସି ଯାଇଥିଲେ। ଅନ୍ୟ ପକ୍ଷରେ ଛୁରାମାଡରେ ଶିକାର ହୋଇଥିବା ଯୁବକ ପ୍ରକାଶଙ୍କ ବାମ କାନ୍ଧରେ ଗଭୀର ଆଘାତ ଲାଗିଥିବା ବେଳେ ତାଙ୍କୁ ଚିକିତ୍ସା ପାଇଁ ଭଦ୍ରକ ମୁଖୟ ଚିକିତ୍ସ କେନ୍ଦ୍ରକୁ ସ୍ଥାନାନ୍ତର କରାଯାଇଛି। ବାଂଶଡା ପୋଲିସ ଜଣକୁ ଥାନାରେ ଅଟକ ରଖି ମୁଖ୍ୟ ଆସମୀକୁ ଖୋଜୁଥିବା ଥାନାଧିକାରୀ ଦେବରାଜ ଜେନା ସୂଚନା ଦେଇଛନ୍ତି।
Comments are closed.