ସମାଜ ଡିଜିଟାଲ ଡେସ୍କ: ବାଇଶି ପାହାଚରେ ଟଳି ପଡ଼ିଲେ ଶ୍ରଦ୍ଧାଳୁ। ମହାପ୍ରଭୁଙ୍କ ଦର୍ଶନ ହେଲା ଶେଷ ଦର୍ଶନ। ସୋମବାର ଶ୍ରୀମନ୍ଦିରରେ ଏଭଳି ଏକ ଅଭାବନୀୟ ଘଟଣା ଶ୍ରଦ୍ଧାଳୁଙ୍କ ମହଲରେ ଶୋକର ଛାୟା ଖେଳାଇ ଦେଇଛି। ମୃତା ମହିଳା ହେଲେ ଖଣ୍ଡପଡ଼ା ଅଞ୍ଚଳର ମନ୍ଦାକିନୀ ସାହୁ।
ସୂଚନା ଅନୁସାରେ, ମନ୍ଦାକିନୀ ପିଣ୍ଡଦାନ କରିବା ଲାଗି ପରିବାର ସହିତ ପୁରୀ ଆସିଥିଲେ। ପିଣ୍ଡଦାନ ପରେ ସେ ମହାପ୍ରଭୁଙ୍କ ଦର୍ଶନ କରିଥିଲେ। ଏହା ପରେ ବାଇଶି ପାହାଚରେ ହଠାତ ସେ ଅସୁସ୍ଥ ଅନୁଭବ କରି ଟଳି ପଡ଼ିଥିଲେ। ତୁରନ୍ତ ତାଙ୍କୁ ଚିକିତ୍ସା ପାଇଁ ଜିଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
