ଜଗତସିଂହପୁର : ଜଗତସିଂହପୁର ଜିଲା ରଘୁନାଥପୁର ଥାନା ଅନ୍ତର୍ଗତ ଜୟପୁର-ଗୋପାଳପୁର ରେଳ ଧାରଣାରେ ରବିବାର ବିଳମ୍ବିତ ରାତିରେ ଏକ ଅଭାବନୀୟ ଘଟଣା ଘଟିଛି। ସୂଚନା ଅନୁଯାୟୀ, ୩ଟି ହରିଣ ରେଳ ଧାରଣା ପାର ହୋଇଥିବା ବେଳେ ତାଙ୍କ ଉପରେ ମାଲଗାଡ଼ି ଚଢିଯାଇଛି। ଖବର ପାଇ ଘଟଣାସ୍ଥଳରେ ବନବିଭାଗ ପହଞ୍ଚି ଘଟଣାର ତଦନ୍ତ ଆରମ୍ଭ କରିବା ସହ ହରିଣଙ୍କର ମୃତଦେହ ଜବତ କରି ବ୍ୟବଚ୍ଛେଦ କରାଇବା ପରେ ପୋତି ଦିଆଯାଇଥିବା ଜଣାପଡ଼ିଛି।
ମାଲଗାଡ଼ିଟି ପାରାଦୀପରୁ କଟକ ଅଭିମୁଖେ ଯାଉଥିଲା। ଏହି ସମୟରେ ନିକଟସ୍ଥ ଜଙ୍ଗଲରୁ ହରିଣ ପଲ ବାହାରି ରେଳ ଧାରଣା ପାର ହେଉଥିବା ବେଳେ ଏହି ଘଟଣା ଘଟିଥିବା ସୂଚନା ମିଳିଛି।
