ନୂଆଦିଲ୍ଲୀ : ମେକ୍ସିକୋରୁ ଆଶ୍ଚର୍ଯ୍ୟ କରି ଦେବା ଭଳି ଏକ ଭିଡିଓ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ଜଣେ ବ୍ୟକ୍ତି କୁମ୍ଭୀର ଥିବା ନଦୀକୁ ଡେଇଁ ପଡିଥିଲେ । ସେ ନିଶାସକ୍ତ ଅବସ୍ଥାରେ ଥିଲେ ବୋଲି କୁହାଯାଉଛି । ପାଣିରେ ବେଶ ମଜାରେ ବ୍ୟକ୍ତି ଜଣକ ପହଁରୁଥିଲେ । ମାତ୍ର ତାଙ୍କୁ ଆଦୌ ଜଣାନଥିଲା ସେ କେତେ ବଡ ବିପଦରେ ଫସି ରହିଛନ୍ତି । ସ୍ଥାନୀୟ ଲୋକେ ତାଙ୍କୁ ଦେଖି ପାଣିରୁ ବାହାରକୁ ତୁରନ୍ତ ପଳାଇ ଆସିବାକୁ ଚିତ୍କାର କରିଥିଲେ । ମାତ୍ର ସେତେବେଳକୁ ବିଳମ୍ବ ହୋଇଯାଇଥିଲା।
Crazy footage shows the moment a drunk Mexican swimmer is chased down by a territorial crocodile. The croc clamped onto the man's leg and attempted to pull him further into the water, yet incredibly, the drunken man somehow managed to survive the terrifying incident. pic.twitter.com/DgjJXjZdlo
— Morbid Knowledge (@Morbidful) July 29, 2024
ଭିଡିଓରେ ଦେଖିପାରିବେ, ଏକ ବିଶାଳକାୟ କୁମ୍ଭୀର ଉକ୍ତ ବ୍ୟକ୍ତି ଜଣଙ୍କ ଉପରେ ତୁରନ୍ତ ଆକ୍ରମଣ କରିଥିଲା । ବ୍ୟକ୍ତି ଜଣକ ପାଣିରୁ ଆସିବାକୁ ଚେଷ୍ଟା କରିବା ମାତ୍ରେ ହିଁ ଆଖି ପିଛୁଳାକେ କୁମ୍ଭୀର ବ୍ୟକ୍ତିଙ୍କ ଗୋଡକୁ ପାଟିରେ କାମୁଡି ଧରିଥିଲା । ସୌଭାଗ୍ୟବଶତଃ ବ୍ୟକ୍ତି ଜଣକ କୁମ୍ଭୀର ପାଟିରୁ ନିଜ ଜୀବନକୁ ବଞ୍ଚାଇବାକୁ ସକ୍ଷମ ହୋଇଥିଲେ। ଫଳରେ ଏକ ବଡ ଅଘଟଣ ଟଳି ଯାଇଥିଲା। କୁମ୍ଭୀର ଆକ୍ରମଣରେ ବ୍ୟକ୍ତିଙ୍କ ଗୋଡରେ ଗଭୀର କ୍ଷତ ସୃଷ୍ଟି ହୋଇଛି । ସେଠାରେ ଉପସ୍ଥିତ ଥିବା ଲୋକେ ତାଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ । ଚିକିତ୍ସା କରାଯିବା ପରେ ତାଙ୍କର ଅବସ୍ଥା ସ୍ଥିର ଥିବା ଜଣାପଡିଛି। ଭିଡିଓକୁ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି।
ଦେଖନ୍ତୁ ଭିଡିଓ ; ବାସ୍ ସେହି ମୁହୂର୍ତ୍ତ, ପଡିଆରେ ବିରାଟଙ୍କ ଶତକ ପୂର୍ବରୁ ରୋହିତ ଦେଲେ ଏମିତି ଇସାରା
