କଣ୍ଟାମାଳ : ବିନା ପୁଞ୍ଜିର ବେପାର ତଥା ସବୁଜ ହୀରା ନାମରେ ସମଗ୍ର ପଶ୍ଚିମ ଓଡିଶାରେ କେନ୍ଦୁପତ୍ରର ଖ୍ୟାତି ରହିଥିବା ଏବଂ ଏହି ପତ୍ରର ଲାଭାଂଶରୁ ସିଂହଭାଗ ଅର୍ଥ ରାଜ୍ୟ ରାଜକୋଷକୁ ଯାଉଥିବା ବେଳେ ଏହି କେନ୍ଦୁପତ୍ର ବ୍ୟବସାୟର ମୁଖ୍ୟ କର୍ଣ୍ଣଧାର ସାଜୁଥିବା ଶ୍ରମିକମାନଙ୍କ ପ୍ରତି କେନ୍ଦୁପତ୍ର ବିଭାଗ ଯଥେଷ୍ଟ ଅବହେଳା କରୁଥିବା ଦେଖିବାକୁ ମିଳୁଛି। ସ୍ରଂପତି ବୌଦ୍ଧ ଜିଲ୍ଲାର ୮ ଗୋଟି ରେଞ୍ଜର ମୋଟ ୩୮୨ଟି ଫଡିଘରେ ବର୍ତ୍ତମାନ ଯୁଦ୍ଧକାଳୀନ ଭିତ୍ତିରେ କେନ୍ଦୁପତ୍ର ବନ୍ଧା ଚାଲିଥିବା ବେଳେ କୌଣସି ଫଡିଘରେ କୋଭିଡ କଟକଣାକୁ କାର୍ଯ୍ୟକାରୀ କରାଯାଉନଥିବା ଦେଖିବାକୁ ମିଳିଛି। ନିରୀହ କେନ୍ଦୁପତ୍ର ବନ୍ଧାଣୀମାନେ ନିଜ ପରିବାରକୁ ନେଇ ବିଭିନ୍ନ ଫଡିଘରେ ପତ୍ର ବାନ୍ଧୁଥିବା ବେଳେ ବିଭାଗ ପକ୍ଷରୁ କରୋନା ସଂକ୍ରମଣକୁ ନେଇ କୌଣସି ସଚେତନତା କରାଯାଉ ନଥିବା ହେତୁ ଶ୍ରମିକ କିମ୍ବା ତାଙ୍କ ପରିବାର ମଧ୍ୟରେ ନା ରହୁଛି ସାମାଜିକ ଦୂରତ୍ୱ ନାଁ ସେମାନଙ୍କ ପାଖରେ ଅଛି ମାସ୍କ। ଏଭଳି ସ୍ଥିତିରେ ଶ୍ରମିକମାନେ ଭାଗ୍ୟ ଓ ଭଗବାନଙ୍କୁ ଭରଷା କରି ସେମାନଙ୍କ କାର୍ଯ୍ୟ କରି ଚାଲୁଥିବା ବେଳେ ବିଭାଗ ଏଭଳି ମହମାରୀ ସମୟରେ ଶ୍ରମିକ ମାନଙ୍କ ସ୍ୱାର୍ଥ ପ୍ରତି ଗୁରୁତ୍ୱ ଦେଉନଥିବା ହେତୁ ସାଧାରଣରେ ଅସନ୍ତୋଷ ପ୍ରକାଶ ପାଉଛି।
Popular Categories
Previous article
Next article