ଇସଲାମାବାଦ : ପାକିସ୍ତାନର ବୈଦେଶିକ ମୁଦ୍ରାପାଣ୍ଠିକୁ ବଳିଷ୍ଠ କରିବା ପାଇଁ ଚୀନ୍ ୨୫୦କୋଟି (୨.୫ବିଲିୟନ) ଆମେରିକୀୟ ଡଲାର ସହାୟତା ଦେବ। ପାକିସ୍ତାନ ସମ୍ପ୍ରତି ବୈଦେଶିକ ଋଣ ଭାରରେ ବୁଡ଼ି ରହିଥିବାବେଳେ ଏହାର ବୈଦେଶିକ ମୁଦ୍ରାପାଣ୍ଠି ଶୁଷ୍କ ହୋଇପଡ଼ିଛି। ପାଣ୍ଠିରେ ସମ୍ପ୍ରତି ଆନ୍ତର୍ଜାତିକ ମୁଦ୍ରାପଣ୍ଠି ଓ ବିଶ୍ବବ୍ୟାଙ୍କ ଦ୍ବାରା ଧାର୍ଯ୍ୟ ସର୍ବନିମ୍ନ ପରିମାଣଠାରୁ କମ୍ ଅର୍ଥ ରହିଛି। ଏହା ୮୧୨ କୋଟି ଡଲାର ବୋଲି ପାକିସ୍ତାନ ଦର୍ଶାଉଛି। ସେଥିପାଇଁ ଆନ୍ତର୍ଜାତିକ ମୁଦ୍ରା ପାଣ୍ଠି, ବିଶ୍ବବ୍ୟାଙ୍କ କିମ୍ବା ଏସିଆନ୍ ଡେଭେଲପମେଣ୍ଟ ବ୍ୟାଙ୍କ ଭଳି କୌଣସି ସଂସ୍ଥା ପାକିସ୍ତାନକୁ ଋଣ ଦେବାକୁ ରାଜି ହେଉ ନାହାନ୍ତି। ଏଭଳି ପରିସ୍ଥିତିରୁ ଉଦ୍ଧାର ପାଇଁ ଚୀନ୍, ସାଉଦିଆରବ ଓ ୟୁନିଇଟେଡ ଆରବ ଏମିରେଟ୍ସ (ୟୁଏଇ)ଠାରୁ ୧୪୫୦ େକାଟି ଆମେରିକୀୟ ଡଲାର ସହାୟତା ପାଇବାକୁ ଆଶା ରଖିଛି। ଏହି ସବୁ ଅର୍ଥ ପାକିସ୍ତାନକୁ ଋଣ ଆକାରରେ ମିଳିବ। ପାକିସ୍ତାନର ସର୍ବକାଳୀନ ବନ୍ଧୁ ଚୀନ୍ ଏବେ ଏହି ଆର୍ଥିକ ପରିସ୍ଥିତିରୁ ଦେଶକୁ ଉଦ୍ଧାର କରିବା ପାଇଁ ଆଗେଇ ଆସିଛି। ଏହା ଦ୍ବାରା ଚଳିତ ଆର୍ଥିକ ବର୍ଷରେ ପାକିସ୍ତାନକୁ ଚୀନ୍ର ସହାୟତା ପରିମାଣ ୪୫୦କୋଟି ଡଲାରରେ ପହଞ୍ଚିଛି। ପୂର୍ବରୁ ଜୁଲାଇ ମାସରେ ୨୦୦କୋଟି ଡଲାର ଋଣ ଦେଇଥିଲା। ପ୍ରଧାନମନ୍ତ୍ରୀ ହେବା ପରେ ଇ୍ରମାନ ଖାଁ ଉପରୋକ୍ତ ତିନି ରାଷ୍ଟ୍ର ଗସ୍ତ କରି ତୁରନ୍ତ ସହାୟତା ପାଇଁ ନିବେଦନ କରିଥିଲେ। ଏହିକ୍ରମରେ ସାଉଦିଆରବ ୬୦୦କୋଟି ଡଲାର ପାଇଁ ପ୍ରତିଶ୍ରୁତି ଦେଇଥିଲା ଏବଂ ଇତିମଧ୍ୟରେ ଏହାର ଅଧା ଦେଇ ସାରିଲାଣି। ଅପରପକ୍ଷରେ ୟୁଏଇ ୩ପ୍ରତିଶତ ସୁଧରେ ୩୦୦କୋଟି ଡଲାର ଋଣ ଯୋଗାଇଦେବାକୁ କହିଥିଲାବେଳେ ବର୍ତ୍ତମାନ ସୁଦ୍ଧା ୧୦୦କୋଟି ଡଲାର ଦେଇସାରିଲାଣି।
Popular Categories
Previous article
Next article