କୋଣାର୍କ : ବିଶ୍ୱ ପର୍ଯ୍ୟଟନ କ୍ଷେତ୍ର କୋଣାର୍କ ଚନ୍ଦ୍ରଭାଗା ତୀର୍ଥ ପୁଷ୍କରିଣୀ ଅଳିଆ ଆବର୍ଜନାରେ ଭର୍ତ୍ତି ହୋଇଥିବାର ଦେଖିବାକୁ ମିଳିଛି। ପବିତ୍ର କାର୍ତ୍ତିକ ମାସ ଅବସରରେ ଚନ୍ଦ୍ରଭାଗା ତୀର୍ଥରେ ହବିଶ୍ୟାଳିଙ୍କ ସମେତ ହଜାର ହଜାର ଶ୍ରଦ୍ଧାଳୁ ମାନେ ପ୍ରତ୍ୟେକ ଦିନ ତୀର୍ଥରେ ବୁଡ ପକାଇବା ପାଇଁ ଆସୁଛନ୍ତି। କିନ୍ତୁ ତୀର୍ଥ ପୁଷ୍କରିଣୀରେ ଗତ ଦୁର୍ଗା ପୁଜା ଓ ଗଜଲକ୍ଷ୍ମି ପୁଜା ଆଦିର ମୁର୍ତ୍ତି ଗୁଡିକ ବିସର୍ଜନ ହେବା ଦ୍ୱାରା ପୁଷ୍କରିଣୀ ପାଣି ଦୂଷିତ ହେବା ସହିତ ରସାୟନ ରଙ୍ଗର ପ୍ରଭାବ ଓ ନଡାକୁଟା ଆଦି ଅଳିଆ ଆବର୍ଜନା ପୁଷ୍କରିଣୀରେ ପଚିଶଢି ଦୁର୍ଗନ୍ଧ ଦ୍ୱାରା ପରିବେଶ ସୃଷ୍ଟି କରୁଛି। ଯାହା ଶ୍ରଦ୍ଧାଳୁ ମାନଙ୍କର ଧାର୍ମିକ ଭାବନା ଉପରେ ଆଘାତ ହେଉଥିବା ଜଣାପଡିଛି। କର୍ତ୍ତୁପକ୍ଷ ଏଭଳି ଅବସ୍ଥାକୁ ଦେଖି ନଦେଖିଲା ପରି ନିରବ ଦ୍ରଷ୍ଟା ସାଜିବା ଯୋଗୁ ଏଭଳି ଅବସ୍ଥା ସୃଷ୍ଟି ହୋଇଛି ବୋଲି ସମାଜସେବୀ ଜ୍ଞାନ ବିଶ୍ୱାଳ ଅଭିଯୋଗ କରିଛନ୍ତି। ସେ କହିଛନ୍ତି ଯଦି କୋଣାର୍କ ଏନଏସି ତରଫରୁ ଏକ ଅସ୍ଥାୟି ପୋଖରି ଖନନ କରାଯାଇ ସେଥିରେ ମୁର୍ତ୍ତି ବିର୍ସଜନ କରାଯାଏ ତାହାଲେ ତୀର୍ଥ ପୁଷ୍କରିଣିର ଏଭଳି ଅବସ୍ଥା ହେବନାହିଁ ବୋଲି ମତବ୍ୟକ୍ତ କରିବା ସହିତ କର୍ତୁପକ୍ଷ ତୁରନ୍ତ ପୁଷ୍କରିଣୀକୁ ସଫା କରିବାକୁ କର୍ତୁପକ୍ଷଙ୍କୁ ନିବେଦନ କରିଛନ୍ତି।
Popular Categories
Previous article
Next article