କଟକ : ସିଡ଼ିଏ ଅଧ୍ୟକ୍ଷ ତଥା ବରିଷ୍ଠ ପ୍ରଶାସକ ଅନିଲ କୁମାର ସାମଲଙ୍କ କାର୍ଯ୍ୟକାଳ ରାଜ୍ୟ ସରକାର ପୁଣି ଏକ ବର୍ଷ ବୃଦ୍ଧି କରିଛନ୍ତି। କଟକ ବଡ଼ଡାକ୍ତରଖାନାର ନବୀକରଣ, ଅତ୍ୟାଧୁନିକ କଟକ ନେତାଜୀ ବସ୍ ଟର୍ମିନାଲ ନିର୍ମାଣ, ତାଳଦଣ୍ଡା କେନାଲ ଏବଂ ରାସ୍ତା ସମ୍ପ୍ରସାରଣ, ରିଂ-ବନ୍ଧ ସମ୍ପ୍ରସାରଣ, ମା’ କଟକ ଚଣ୍ଡୀ ମନ୍ଦିରର ବିକାଶ, ରିଭରଫ୍ରଣ୍ଟ ସମେତ କଟକ ସହରାଞ୍ଚଳର ବିକାଶ ସମେତ ସୌନ୍ଦର୍ଯ୍ୟକରଣ କାର୍ଯ୍ୟ ଭଳି ସହରର ଅନେକ ପ୍ରମୁଖ ପ୍ରକଳ୍ପ କାର୍ଯ୍ୟକାରୀ କରାଯାଉଛି। ସିଡ଼ିଏର ଅଧ୍ୟକ୍ଷ ଭାବେ ଶ୍ରୀ ସାମଲ ଏହିସବୁ ପ୍ରକଳ୍ପ କାର୍ଯ୍ୟକୁ ତ୍ୱରାନ୍ୱିତ କରିବାରେ ପ୍ରମୁଖ ଭୂମିକା ଗ୍ରହଣ କରିଛନ୍ତି। ନିକଟରେ ବହୁ ପ୍ରତୀକ୍ଷିତ କଟକ ନେତାଜୀ ବସ୍ ଟର୍ମିନାଲ ମୁଖ୍ୟମନ୍ତ୍ରୀଙ୍କ ଲୋକାର୍ପିତ ହୋଇ ସିଡ଼ିଏ ଦ୍ୱାରା ପରିଚାଳିତ ହେଉଛି।
ସେ କେନ୍ଦ୍ରାଞ୍ଚଳ ରାଜସ୍ୱ ଆୟୁକ୍ତ ଥିଲାବେଳେ କଟକ ବଡ଼ଡାକ୍ତରଖାନା ସମ୍ପ୍ରସାରଣ ପାଇଁ ଜମି ଅଧିଗ୍ରହଣ ଏବଂ ବସ୍ତିବାସୀଙ୍କୁ ଥଇଥାନ କରିବା ପରେ ଏହି କାର୍ଯ୍ୟ ତ୍ୱରାନ୍ୱିତ ହୋଇପାରିଥିଲା। ଶ୍ରୀ ସାମଲଙ୍କ କାର୍ଯ୍ୟକାଳ ଚଳିତମାସରେ ଶେଷ ହେଉଥିଲା ବେଳେ ସହରର ଅନେକ ରୂପାନ୍ତରଣ ପ୍ରକଳ୍ପର କାର୍ଯ୍ୟାନ୍ୱୟନକୁ ଦୃଷ୍ଟିରେ ରଖି ସରକାର ତାଙ୍କର କାର୍ଯ୍ୟକାଳ ଆଉ ଗୋଟିଏ ବର୍ଷ ବଢାଇଛନ୍ତି।
Comments are closed.