ବୁର୍ଲା : ବିଦ୍ୟୁତ ଆଘାତରେ ବୁର୍ଲା ଥାନା ଅନ୍ତର୍ଗତ କଣ୍ଟ୍ରାକ୍ଟର୍ସ କଲୋନି ନିକଟରେ ଥିବା ଗୁଆଲା ପଡାର ଶତୃଘ୍ନ ସାହାଙ୍କ ସ୍ତ୍ରୀ ପ୍ରିୟଙ୍କା ସାହା (୨୫)ଙ୍କ ମୃତ୍ୟୁ ଘଟିଥିବା ସୁଚନା ହସ୍ତଗତ ହୋଇଛି। ସୂଚନା ଅନୁସାରେ ପ୍ରିୟଙ୍କା ଆଜି ଅପରାହ୍ନ ପ୍ରାୟ ୧ ଟା ସମୟରେ ସେ ଶୌଚପାଇଁ ଗାଧୁଆ ଘରକୁ ଯାଇଥିଲେ। ତେବେ ସେ ଗାଧୋଇ ସାରି ଆସି ଏକ ବୈଦ୍ୟୁତିକ ସଂସ୍ପର୍ଶରେ ଆସିଯିବା ଫଳରେ ତାଙ୍କୁ ଶକ୍ତ ବୈଦ୍ୟୁତିକ ଆଘାତ ଲାଗିଥିଲା ଫଳରେ ଘଟଣା ସ୍ଥଳରେ ହିଁ ତାଙ୍କ ଶୋଚନିୟ ଭାବରେ ମୃତ୍ୟୁ ଘଟିଥିଲା। ଏହାପରେ କୁଆଡ଼େ ବୈଦ୍ୟୁତିକ ବିଭାଗ ୱେଷ୍କୋ କର୍ମଚାରୀ ମଧ୍ୟ ଘଟଣା ସ୍ତଳରେ ପହଞ୍ଚି ଥିଲେ। ତେବେ ପରିବାର ଲୋକେ ଜାଣିବା ବେଳକୁ ତାଙ୍କ ମୃତ୍ୟୁ ହୋଇ ସାରିଥିବା ଜଣାପଡ଼ିଛି।
ତେବେ ବିଦ୍ୟୁତ ସରୋବରାହ ବନ୍ଦ କରିବା ପରେ ପରିବାର ଲୋକେ ତାଙ୍କୁ ଉଦ୍ଧାର କରି ଚିକିତ୍ସା ପାଇଁ ବୁର୍ଲା ଭିମସାରକୁ ନେଇଥିଲେ ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମୃତା ପ୍ରିୟଙ୍କାଙ୍କ ମୃତ୍ୟୁର ବୈଦ୍ୟୁତିକ ଆଘାତରେ ହୋଇଥିବା ସଠିକ ଭାବରେ କିପରି ଭାବରେ ମହିଳାଙ୍କର ମୃତ୍ୟୁହେଲା ତାହା ସ୍ପଷ୍ଟ ଭାବରେ ଜଣାପଡ଼ିନାହିଁ। ତେବେ ମୃତ ମହିଳାଙ୍କ ଶବ ବୁର୍ଲା ପୁଲିସ ଜବତ କରି ବୁର୍ଲା ଶବଗୃହରେ ରଖିଥିବା ଜଣାପଡିଛି। ପ୍ରିୟଙ୍କାଙ୍କ ବିବାହ ଗତ ତିନି ବର୍ଷ ତଳେ ହୋଇଥିବା ବେଳେ ତାଙ୍କ ୨ ବର୍ଷର ଏକ ଝିଅ ରହିଥିବା ଜଣାପଡିଛି। ତେବେ ଆଜି ବୁଧବାର ମାଜିଷ୍ଟ୍ରେଟଙ୍କ ଉପସ୍ଥିତିରେ ତାଙ୍କ ଶବର ପଞ୍ଚନାମା ପରେ ଶବ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଜଣାପଡିଛି।
