ନୂଆଦିଲ୍ଲୀ : ଲୋକସଭାରେ ମଙ୍ଗଳବାର ପୂବାହ୍ନ ୧୧ଟାରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଆର୍ଥିକ ବର୍ଷ ୨୦୨୪-୨୫ର କେନ୍ଦ୍ର ସାଧାରଣ ବଜେଟ୍ ଉପସ୍ଥାପନ କରିଛନ୍ତି । ଏହି ବଜେଟ୍ ରେ କୃଷକ ଓ ଯୁବପିଢିଙ୍କ ପାଇଁ ବଡ ଘୋଷଣା କରାଯାଇଛି । ବଜେଟ୍ କୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ କହିଛନ୍ତି, ସାଧାରଣ ବଜେଟ୍ ଅମୃତକାଳର ମହତ୍ତ୍ୱପୂର୍ଣ୍ଣ ବଜେଟ୍ । ଏହା ପାଞ୍ଚ ବର୍ଷ ପାଇଁ ବିଭିନ୍ନ ଦିଗ ସ୍ଥିର କରିବା ସହ ୨୦୪୭ ପର୍ଯ୍ୟନ୍ତ ବିକଶିତ ଭାରତର ଆଧାରଶିଳା ରଖିବ । ମୋଦୀଙ୍କ ୩ୟ ପାଳିର ଏହା ହେଉଛି ପ୍ରଥମ ପୂର୍ଣ୍ଣାଙ୍ଗ ବଜେଟ୍ ।
ଦେଶରେ ଉଦ୍ୟମିତାକୁ ପ୍ରୋତ୍ସାହିତ କରିବା ଓ ନିଯୁକ୍ତିି ସୁଯୋଗ ବୃଦ୍ଧି କରିବା ଲକ୍ଷ୍ୟରେ ଅର୍ଥମନ୍ତ୍ରୀ ୩ଟି ସ୍କିମ୍ ଘୋଷଣା କରିଛନ୍ତି । ପ୍ରଥମ ସ୍କିମ୍ ଟି ହେଉଛି ପ୍ରଥମ ଥର ପାଇଁ ଜଣଙ୍କୁ ନୂଆ ନିଯୁକ୍ତି ଦିଆଗଲେ ପ୍ରଥମ ମାସର ଦରମା ସହାୟତା ସରକାରଙ୍କ ପକ୍ଷରୁ ମିଳିବ । ୨ୟ ସ୍କିମ୍ ଅନୁଯାୟୀ, ମାନୁଫାକଚରିଂ କ୍ଷେତ୍ରରେ ନିଯୁକ୍ତି ସୁଯୋଗ ସୃଷ୍ଟି ଓ ୩ୟ ସ୍କିମ୍ ନିଯୁକ୍ତି ଦାତାମାନଙ୍କୁ ସହାୟତା ।
ଆଉ ୩କୋଟି ଆବାସ ଗୃହ ନିର୍ମାଣ ନେଇ ବଜେଟ୍ ଉପସ୍ଥାପନ ସମୟରେ ଅର୍ଥମନ୍ତ୍ରୀ ଘୋଷଣା କରିଛନ୍ତି । ଉଭୟ ଗ୍ରାମାଞ୍ଚଳ ଓ ସହରାଞ୍ଚଳ ପାଇଁ ୩ କୋଟି ଆବାସ ନିର୍ମାଣ କରାଯିବ ।
ଅଗଷ୍ଟ ମାସରେ ଗ୍ରହଙ୍କ ବଡ ଯୋଗ: ବଦଳିଯିବ ଏହି ରାଶିଙ୍କ ଭାଗ୍ୟ, ଧନ ଠାରୁ ଆରମ୍ଭ କରି ମିଳିବ ଚାକିରି..
