ପାତ୍ରପୁର: ଜମିରେ ଧାନ ରୁଆ କାର୍ଯ୍ୟରେ ଲାଗିଥିବା ବେଳେ ବଜ୍ରପାତ ଘଟି ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତ ଯୁବକ ଜଣକ ଦିଗପହଣ୍ଡି ବ୍ଳକ ଚୌଧୁରୀ ଟିକରପଡ଼ା ଗ୍ରାମର ଜଳନ୍ଧର ପ୍ରଧାନଙ୍କ ପୁଅ ପବିତ୍ର ପ୍ରଧାନ(୧୮)ବୋଲି ଜଣାପଡ଼ିଛି।
ଚଳିତ ବର୍ଷ ଯୁକ୍ତ ଦୁଇ ପାସ କରିଥିବା ପବିତ୍ର ଆଜି ଗ୍ରାମ ନିକଟ ଜମିରେ ଧ।ନରୁଆ କାର୍ଯ୍ୟରେ ସହାୟତା କରୁଥିଲେ। ଏହି ସମୟରେ ବଜ୍ରପାତ ଘଟି ସେ ଗୁରୁତର ହୋଇ ପଡ଼ିଥିଲେ। ତୁରନ୍ତ ତାଙ୍କୁ ନିକଟସ୍ଥ ଗୌଡ଼ଗାଁ ଡାକ୍ତରଖାନାକୁ ନିଆଯାଇଥିବା ବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ଚାନ୍ଦପୁର ଫାଣ୍ଡିଅଧିକାରୀ ବିନିତ କୁମାର ଶତପଥୀ ଡାକ୍ତରଖାନାରେ ପହଞ୍ଚି ଶବ ବ୍ୟବଚ୍ଛେଦ ପାଇଁ ପଠାଇଛନ୍ତି।
