ପାଟଣା: ୨୦୧୯ ସାଧାରଣ ନିର୍ବାଚନ ପରେ ସାହାରପଡା ବ୍ଲକର ତତ୍କାଳୀନ ଅଧ୍ୟକ୍ଷା ବିଜେପି ସମର୍ଥିତ ରମ୍ଭାବତୀ ଦେହୁରୀଙ୍କୁ ବିଜୁ ଜନତା ଦଳରେ ମିଶାଇ ତତ୍କାଳୀନ ବିଧାୟକ ଜଗନ୍ନାଥ ନାଏକ ବିଜେପିକୁ ଚକମା ଦେଖାଇଥିବା ବେଳେ ୨୦୨୪ରେ ବିଜେପି ଏହାର ବଦଲା ନେଇଛି। ପାଲଟା ଜବାବ ସ୍ଵରୂପ ପୂର୍ବତନ ବିଧାୟକ ଜଗନ୍ନାଥ ନାଏକଙ୍କ ସହମତିରେ ସାହାରପଡା ବ୍ଲକ ଅଧ୍ୟକ୍ଷା ହୋଇଥିବା ବଡବିଲ ସମିତି ସଭ୍ୟା ରୀନା ନାଏକଙ୍କୁ ଆଜି ବିଜେପିରେ ସାମିଲ କରାଇଛନ୍ତି ଜିଲ୍ଲା ବିଜେପି ସଭାପତି ଅଂଶୁମାନ ସବୁଜ ମହାନ୍ତ ବର୍ମା। ତାଙ୍କ ଉଦ୍ୟମରେ ଏହା ସମ୍ଭବ ହୋଇଥିବା ବେଳେ ଏଥିରେ ସାଂସଦ ଅନନ୍ତ ନାୟକଙ୍କ ପୂର୍ଣ୍ଣ ସମର୍ଥନ ଥିବା ଚର୍ଚ୍ଚା ହୋଇଛି। ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଭୁବନେଶ୍ଵରସ୍ଥିତ ବାସଭବନରେ ଏହି ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା। ମୁଖ୍ୟମନ୍ତ୍ରୀ ଶ୍ରୀ ମାଝୀଙ୍କୁ ଦଳରେ ମିଶାଇଥିଲେ। ମିଶ୍ରଣ ପର୍ବରେ ବିଜେପି ନେତ୍ରୀ ତଥା ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ମମିତା ନାଏକ, ସାଂସଦ ପ୍ରତିନିଧି ସୁଦର୍ଶନ ମହାନ୍ତ, କରଞ୍ଜିଆ ପ୍ରଭାରୀ ଶିବାଜୀ ଗୌତମ ମହାନ୍ତ ବର୍ମା ପ୍ରମୁଖ ଉପସ୍ଥିତ ଥିଲେ।
Popular Categories
Previous article
Next article