ତେଲଙ୍ଗାନା : ତେଲଙ୍ଗାନା ରାଜ୍ୟର ସଂସଦୀୟ କ୍ଷେତ୍ର ନିଜାମାବାଦର ଭାରତୀୟ ଜନତା ପାର୍ଟି(ବିଜେପି) ସାଂସଦ ଧରମପୁରୀ ଅରବିନ୍ଧ ଶନିବାର ଏଆଇଏମଆଇଏମ୍ ନେତା ତଥା ହାଇଦରାବାଦ ସାଂସଦ ଅସଉଦ୍ଦିନ ଓଓ୍ଵେସୀଙ୍କୁ ନେଇ ବିବାଦୀୟ ବୟାନ ଦେଇଛନ୍ତି। ଧରମପୁରୀ ଓୱେସିଙ୍କୁ ଧମକ ଦେଇ କହିଛନ୍ତି, ମୁଁ ତୁମକୁ(ଓୱେସି) କ୍ରେନରେ ଓଲଟା ଟାଙ୍ଗି ତୁମର ଦାଢି କାଟିବି। ଏହାପରେ ସେହି ଦାଢିକୁ ନେଇ ତେଲଙ୍ଗାନା ମୁଖ୍ୟମନ୍ତ୍ରୀଙ୍କ ଠାରେ ଲଗାଇ ପଦୋନ୍ନତି ଦେବି।
ନିଜାମାବାଦର ଭାରତୀୟ ଜନତା ପାର୍ଟି(ବିଜେପି) ସାଂସଦ ଧରମପୁରୀ ଅରବିନ୍ଦ ଏହା ପୂର୍ବରୁ ମଧ୍ୟ ଓୱେସିଙ୍କୁ ନେଇ ବିବାଦୀୟ ବୟାନ ଦେଇଥିଲେ। ନାଗରିକତା ସଂସୋଧନ ଆଇନ(ସିଏଏ)କୁ ଓୱେସି ବିରୋଧ କରିବାରୁ ସେ କହିଥିଲେ, ଓୱେସି ସିଏଏକୁ ସାମ୍ପ୍ରଦାୟିକତା କହି ଏହାର ବିରୋଧ କରୁଛନ୍ତି। ମୋର ତାଙ୍କୁ ପ୍ରଶ୍ନ ଯେ ସେ କଣ ପାକିସ୍ତାନ କିମ୍ବା ବାଂଲାଦେଶରୁ ନିର୍ବାଚନ ଲଢିବାକୁ ଚାହୁଁଛନ୍ତି।
ଉଲ୍ଲେଖ ଯୋଗ୍ୟ, ସିଏବି ଆସିବା ଠାରୁ ହିଁ ଆଇନରେ ପରିଣତ ହେବାପର୍ଯ୍ୟନ୍ତ ଓୱେସି ଲଗାତାର ଭାବେ ଏହାର ବିରୋଧ କରୁଛନ୍ତି। ମୁସଲମାନମାନଙ୍କ ବିରୋଧରେ ଏହି ଆଇନ ହୋଇଥିବା ସେ କହିଛନ୍ତି। ଏହାର ବିରୋଧ କରି ସେ ସୁପ୍ରିମକୋର୍ଟ ମଧ୍ୟ ଯାଇଥିଲେ।
BJP Nizamabad MP Dharmapuri Arvind: I warn you(Asaduddin Owaisi) that I will hang you upside down to a crane and shave your beard. I will give promotion to your beard by sticking it to the Chief Minister. #Telangana (3.1.20) pic.twitter.com/9Tpy43Qb4P
— ANI (@ANI) January 4, 2020
