ବିଜେପିର ୮ ବିଧାନସଭା ପ୍ରାର୍ଥୀ ଘୋଷଣା: ସାଲେପୁରରୁ ଅରିନ୍ଦମ ରାୟ ଓ ଖୋର୍ଦ୍ଧାରୁ ପ୍ରଶାନ୍ତ ଜଗଦେବଙ୍କୁ ଟିକଟ

ଭୁବନେଶ୍ବର: ବିଜେପି ପକ୍ଷରୁ ୮ଟି ବିଧାନସଭା ପାଇଁ ପ୍ରାର୍ଥୀ ଘୋଷଣା କରାଯାଇଛି। ଅଭିନେତାରୁ ରାଜନେତା ବନିଥିବା ଅରିନ୍ଦମ ରାୟଙ୍କୁ ସାଲେପୁର ବିଧାନସଭା ଆସନ ପାଇଁ ବିଜେପି ପ୍ରାର୍ଥୀ କରିଛି। ସେହିପରି ନିକଟରେ ବିଜେଡିରୁ ଇସ୍ତଫା ଦେଇ ବିଜେପିରେ ସାମିଲ ହୋଇଥିବା ସୀମାରାଣୀ ନାଏକଙ୍କୁ ହିନ୍ଦୋନ ଆସନରେ ପ୍ରତିଦ୍ବନ୍ଦ୍ବୀତା କରିବା ପାଇଁ ବିଜେପି ତାଙ୍କୁ ଟିକଟ ଦେଇଛି।

ତେଲକୋଇ ପାଇଁ ଫକୀର ମୋହନ ନାଏକ, ଚମ୍ପୁଆ ପାଇଁ ମୁରଲୀ ମନୋହର ଶର୍ମା, ବସ୍ତା ପାଇଁ ରୀବନ୍ଦ୍ର ଅଣ୍ଡିଆ, ବାସୁଦେବପୁର ପାଇଁ ବାଣୀ କଲ୍ୟାଣ ମହାନ୍ତି, କେନ୍ଦ୍ରାପଡ଼ା ପାଇଁ ଗୀତାଞ୍ଜଳି ସେଠୀ ଏବଂ ଖୋର୍ଦ୍ଧା ପାଇଁ ପ୍ରଶାନ୍ତ କୁମାର ଜଗଦେବଙ୍କୁ ବିଧାନସଭାରେ ପ୍ରତିଦ୍ବନ୍ଦ୍ବୀତା କରିବା ନିମେନ୍ତ ବିଜେପି ଟିକଟ ଦେଇଛି। ଆଜି ଏ ସଂକ୍ରାନ୍ତରେ ବିଜେପି ପକ୍ଷରୁ ପ୍ରାର୍ଥୀ ପତ୍ର ତାଲିକା ଜାରି କରାଯାଇଛି।