ସମାଜ ଡିଜିଟାଲ ଡେସ୍କ: ନୂଆପଡ଼ା ସହରରେ ଶୁକ୍ରବାର ଦିଫାଇନ କଳାହାଣ୍ଡି ପକ୍ଷରୁ ଏକ ବିଶାଳ ରୋଡ ଶୋ’ କରାଯାଇଥିଲା। ଏଥିରେ ସଂଗଠନର ସଂସ୍ଥାପକ ମଧୁ ମହାନ୍ତି ଯୋଗ ଦେଇଥିଲେ। ଏହି ରୋଡ ଶୋ’ ଖରିଆର ରୋଡ ଶଙ୍କର ମନ୍ଦିରରୁ ବାହାରି ନୂଆପଡା ସହରରେ ପ୍ରବେଶ କରିଥିଲା। ନୂଆପଡ଼ା ସହର ପରିକ୍ରମା କରି ଇରିଗେଶନ କଲୋନୀ ଛକରେ ମଧୁ ମହାନ୍ତି ଜନ ସାଧାରଣଙ୍କୁ ସମ୍ବୋଧିତ କରିଥିଲେ।
ଏହି ଅବସରରେ ମଧୁ ମହାନ୍ତି ନିଜ ପ୍ରତିକ୍ରିୟାରେ କହିଥିଲେ, ସେ ଏଠାକୁ ଶକ୍ତି ପ୍ରଦର୍ଶନ କରିବାକୁ ଆସିନାହାନ୍ତି। ତାଙ୍କୁ ଯୁବକମାନେ ଭଲ ପାଆନ୍ତି, ତେଣୁ ତାଙ୍କ ଶୋଭାଯାତ୍ରାରେ ସାମିଲ ହୁଅନ୍ତି। ଉପନିର୍ବାଚନରେ ଡିଫାଇନ କଳାହାଣ୍ଡି ନିଜର ପ୍ରାର୍ଥୀ ଦେବ କି ବୋଲି ପ୍ରଶ୍ନର ଉତ୍ତରରେ ମଧୁ କହିଥିଲେ, ବର୍ତ୍ତମାନ ପର୍ଯ୍ୟନ୍ତ ସ୍ଥିର ହୋଇନାହିଁ। ଆକଳନ ଚାଲିଛି। ଆଜି ସନ୍ଧ୍ୟା ସୁଦ୍ଧା ନିଷ୍ପତ୍ତି ନିଆଯିବ। ଏହି ରୋଡ ଶୋ’ରେ ୧୫୦୦ରୁ ଅଧିକ ବାଇକ୍ ଓ ୪୦/୫୦ଟି କାର୍ ସାମିଲ ହୋଇଥିଲା।
