ଭୁବନେଶ୍ୱର: ରାଜଧାନୀରେ ଏଣିକି ସାବାଡ ହେବେ ଅପରାଧୀ । ଭୁବନେଶ୍ୱରରେ ଅପରାଧୀମାନଙ୍କୁ ସାବାଡ଼ କରିବାକୁ ପୁଲିସ ରଣନୀତି ପ୍ରସ୍ତୁତ କରୁଛି । ଭୁବନେଶ୍ୱରର ଝାରପଡ଼ା ଜେଲରେ ଜେଲ୍ ପରେଡ୍ ଆରମ୍ଭ ହୋଇଛି । ଏଥିରେ ସମସ୍ତ ଥାନାର ଏସିପି ଓ ଆଇଆଇସି ସାମିଲ ହୋଇଥିବା ବେଳେ ଏହି କାର୍ଯ୍ୟକ୍ରମରେ ଗତ ସପ୍ତାହରେ ଗିରଫ ହୋଇଥିବା ଅପରାଧୀଙ୍କ ସମ୍ପର୍କରେ ପୁଲିସ ସମସ୍ତ ତଥ୍ୟ ନେଇଛି । ଆଗକୁ ମଧ୍ୟ ସପ୍ତାହର ସବୁ ରବିବାରରେ ଜେଲ୍ ପରେଡ କରାଯିବା ନେଇ ସୂଚନା ଦିଆଯାଇଛି । ରାଜଧାନୀରେ ବଢ଼ୁଥିବା ଅପରାଧକୁ ଦୃଷ୍ଟିରେ ରଖି ଜେଲ୍ ପରେଡ କରାଯାଇଥିବା ସୂଚନା ମିଳିଛି । ଏଥି ସହିତ ଜେଲ ଫେରନ୍ତାଙ୍କୁ ସାବାଡ଼ କରିବାକୁ ପୁଲିସ ଏପରି ରଣନୀତି ପ୍ରସ୍ତୁତ କରିଥିବା କହିଛି ।
Comments are closed.