ଭୁବନେଶ୍ୱର: କଟକ ଜିଲ୍ଳା କିଶନନଗର ଥାନା ଆଇଆଇସି ଚାକିରିରୁ ନିଲମ୍ବିତ ହୋଇଛନ୍ତି । ଦାୟିତ୍ୱରେ ଅବହେଳା ଯୋଗୁ ଆଇଆଇସି ସସ୍ମିତ ରଣାଙ୍କୁ ନିଲମ୍ବିତ କରାଯାଇଥିବା ସୂଚନା ମିଳିଛି । ସୂଚନା ମୁତାବକ କିଶନନଗର ଥାନା ସମ୍ମୁଖରେ ଜଣେ ବ୍ୟକ୍ତିଙ୍କ ଆତ୍ମହୁତି ଘଟଣାରେ ତାଙ୍କୁ ନିଲମ୍ବିତ କରାଯାଇଥିବା ବେଳେ ପୁଲିସ ଡିଜି ଏପରି ଏକ ଦୃଢ଼ କାର୍ଯ୍ୟାନୁଷ୍ଠାନ ନେଇଛନ୍ତି । ୪ଦିନ ତଳେ ନିଜ ଦେହରେ ପେଟ୍ରୋଲ ଢାଲି ନିଆଁ ଲଗାଇ ଜଣେ ବ୍ୟକ୍ତି ଆତ୍ମହୁତି ଉଦ୍ୟମ କରିଥିଲେ । ସେଠାରୁ ପୁଲିସ ତାଙ୍କୁ ସଙ୍ଗେସଙ୍ଗେ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲା । ହେଲେ ଡାକ୍ତରଖାନାରେ ଦିନକ ପରେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା ।
ପରେ ବ୍ୟକ୍ତି ଜଣକ ଭଷାଣୀ ବ୍ରହ୍ମପୁରର ଗୁଣନିଧି ବିଷୋୟୀ ବୋଲି ଜଣାପଡ଼ିଥିଲା । ଜମି ବିବାଦ ପାଇଁ ଥାନାକୁ ଆସି ନ୍ୟାୟ ନପାଇ ଆତ୍ମହୁତି ଦେଇଥିଲେ । ଘଟଣାକୁ ନେଇ ଆଇଆଇସିଙ୍କ ପ୍ରତି କାର୍ଯ୍ୟାନୁଷ୍ଠାନ ପାଇଁ ଏସପି ସୁପାରିସ କରିଥିଲେ ।
Comments are closed.