ମୁୁମ୍ବଇ: କାର୍ତ୍ତିକ ଆର୍ଯ୍ୟନ୍ ଏବେ ନିଜ ଆଗାମୀ ଚଳଚ୍ଚିତ୍ର ‘ଭୁଲ୍ ଭୁଲୈୟା-୨’ର ଶୁଟିଂରେ ବ୍ୟସ୍ତ ଅଛନ୍ତି। ଜୟପୁରରେ ଏହାର ଶୁଟିଂ ଜାରି ରହିଛି। ପୂର୍ବରୁ ଶୁଟିଂ ସମୟର ଅନେକ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ୍ ହୋଇଥିଲା। ଏବେ କାର୍ତ୍ତିକ ଚଳଚ୍ଚିତ୍ର ସହ ଜଡ଼ିତ ଏକ ଫଟୋ ନିଜ ଇନ୍ଷ୍ଟାଗ୍ରାମ୍ରେ ଶେୟାର କରିଛନ୍ତି।
ଫଟୋରେ କାର୍ତ୍ତିକ ଓ ଅଭିନେତ୍ରୀ କିୟାରା ଆଡ଼ଭାଣୀ ପରସ୍ପରଙ୍କ ଭଲପାଇବାରେ ଡୁବି ରହିଥିବା ଦେଖିବାକୁ ମିଳିଛି। କାର୍ତ୍ତିକ ଫଟୋ ଶେୟାର କରି ଏକ ମଜାଳିଆ କ୍ୟାପ୍ସନ ମଧ୍ୟ ଲେଖିଛନ୍ତି। ସେ ଲେଖିଛନ୍ତି, ‘ପ୍ରେମରେ ଏତେ ଅନ୍ଧ ହୋଇ ଯାଅନି ଯେ, ଡାହାଣୀ ମଧ୍ୟ ନଜର ଆସିବନି’। ଫଟୋରେ ଉଭୟଙ୍କୁ ଡାହାଣୀମାନେ ଘେରି ରହିଥିବାରୁ କାର୍ତ୍ତିକ ଏଭଳି ମଜାଳିଆ କଥା ଲେଖିଛନ୍ତି।
ଉଲ୍ଲେଖଯୋଗ୍ୟ, ‘ଭୁଲ୍ ଭୁଲୈୟା-୨’ରେ କାର୍ତ୍ତିକ ଓ କିୟାରାଙ୍କ ବ୍ୟତୀତ ତବୁ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ୨୦୦୭ରେ ମୁକ୍ତିଲାଭ କରିଥିବା ଅକ୍ଷୟ କୁମାରଙ୍କ ଚଳଚ୍ଚିତ୍ର ‘ଭୁଲ୍ ଭୁଲୈୟା’ର ଏହା ହେଉଛି ରିମେକ୍। ଅନୀଜ ବାଜ୍ମୀଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ଚଳିତ ବର୍ଷ ୩୧ ଜୁଲାଇରେ ପରଦାକୁ ଆସିବ।
Comments are closed.