ବେଗୁନିଆ : ବେଗୁନିଆ ବ୍ଲକ ଅନ୍ତର୍ଗତ ବେଗୁନିଆ ଗୋପବନ୍ଧୁ ଉଚ୍ଚ ବିଦ୍ୟାଳୟ ଏବଂ ଗଡମାଣତୀର ସରକାରୀ ଉଚ୍ଚ ବିଦ୍ୟାଳୟରେ ଆଜି ୨୫୦ ଜଣ ଛାତ୍ରଛାତ୍ରୀ ତୃତୀୟ ଏବଂ ପଞ୍ଚମ ଶ୍ରେଣୀ ବୃତ୍ତି ପରୀକ୍ଷା ଦେଇଛନ୍ତି । ବେଗୁନିଆ ବ୍ଲକରେ ଦୁଇଟି କେନ୍ଦ୍ରରେ ଅନୁଷ୍ଠିତ ବୃତ୍ତି ପରୀକ୍ଷାରେ ବେଗୁନିଆ ଗୋପବନ୍ଧୁ ଉଚ୍ଚ ବିଦ୍ୟାଳୟରେ ୫ମ ଶ୍ରେଣୀରେ ୭୭ଜଣ ପରୀକ୍ଷାର୍ଥୀଙ୍କ ମଧ୍ୟରୁ ୭୨ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବାବେଳେ ୫ ଜଣ କୌଣସି କାରଣରୁ ଅନୁପସ୍ଥିତ ରହିଛନ୍ତି ।ସେହିପରି ୩ୟ ଶ୍ରେଣୀରେ ୬୩ ଜଣ ପରୀକ୍ଷାର୍ଥୀଙ୍କ ମଧ୍ୟରୁ ୫୯ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବାବେଳେ ୪ ଜଣ ଅନୁପସ୍ଥିତ ରହିଛନ୍ତି । ଏହି କେନ୍ଦ୍ରରେ ବିଦ୍ୟାଳୟର ପ୍ରଧାନଶିକ୍ଷକ ବାସୁଦେବ ବେହେରା ସୁପରିଟେଣ୍ଡେଣ୍ଟଭାବେ କାର୍ୟ୍ୟ କରିଥିବାବେଳେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଯୋଗେନ୍ଦ୍ରନାଥ ସାହୁ ପରୀକ୍ଷା କେନ୍ଦ୍ରର ସୁପରଭାଇଜର ଭାବେ ଦାୟିତ୍ୱ ନିର୍ବାହ କରିଥିଲେ । ସେହିପରି ଗଡମାଣତୀର କେନ୍ଦ୍ରରେ ୫ମ ଶ୍ରେଣୀରେ ୬୫ ଜଣ ପରୀକ୍ଷାର୍ଥୀଙ୍କ ମଧ୍ୟରୁ ୫୯ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବାବେଳେ ୬ ଜଣ ଅନୁପସ୍ଥିତ ରହିଥିଲେ । ୩ୟ ଶ୍ରେଣୀରେ ୬୬ଜଣ ପରୀକ୍ଷାର୍ଥୀ ପରୀକ୍ଷା ଦେବା ପାଇଁ ଥିବାବେଳେ ୬୦ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ ଏବଂ୬ ଜଣ ଅନୁପସ୍ଥିତ ରହିଥିଲେ । ଏହି କେନ୍ଦ୍ରରେ ସହକାରୀ ପ୍ରଧାନଶିକ୍ଷକ ବିନୋଦ ପଣ୍ଡା ସୁପରି ଟେଣ୍ଡେଣ୍ଟ ଥିବାବେଳେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଦିଲ୍ଲୀପକୁମାର ମହାପାତ୍ର କେନ୍ଦ୍ର ସୁପରଭାଇଜରଭାବେ ରହି ଶାନ୍ତି ଶୃଙ୍ଖଳାରସହିତ ପରୀକ୍ଷା ଶେଷ କରିଥିଲେ । ଦୁଇଟି କେନ୍ଦ୍ରରେ ସମୁଦାୟ ୨୭୧ ଜଣ ପରୀକ୍ଷାର୍ଥୀଙ୍କ ମଧ୍ୟରୁ ୨୫୦ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବାର ଜଣାପଡିଛି ।
Comments are closed.