ସମାଜ ଡିଜିଟାଲ ଡେସ୍କ: ଭୁବନେଶ୍ୱରରେ ପହଞ୍ଚିଛନ୍ତି ଏନଆଇଏ ଟିମ୍। ସିମ୍ ବକ୍ସ ମାମଲାରେ ତଦନ୍ତ ପାଇଁ ଏନଆଇଏର ଜଣେ ଅଧିକାରୀ ପହଞ୍ଚିଛନ୍ତି। ଗିରଫ ହୋଇଥିବା ଅଭିଯୁକ୍ତ ରାଜୁ ମଣ୍ଡଳକୁ ଜେରା କରିବେ ଏନଆଇଏ ଅଧିକାରୀ। ଭୁବନେଶ୍ୱର ଓ କଟକରୁ ସିମ୍ ବକ୍ସ ଠାବ ହେବା ପରେ ଅଭିଯୁକ୍ତ ରାଜୁ ମଣ୍ଡଳକୁ ନେଇ ରାଞ୍ଚିରେ ପହଞ୍ଚିଥିଲା କମିଶନରେଟ ପୁଲିସ। ସ୍ଥାନୀୟ ପୁଲିସ ସହାୟତାରେ ସେଠାରେ ଏକ ଘରେ ଚଢଉ କରି ୫ଟି ସିମ୍ ବକ୍ସ ଜବତ କରିଛି। ଏଥିସହ ରୋଟର, ୩୦୦ରୁ ଅଧିକ ସିମ୍ କାର୍ଡ ଆଦି ପୁଲିସ ହାତରେ ଲାଗିଛି। ସ୍ଥାନୀୟ ଅଂଚଳର ଜଣେ ଯୁବକ ରାଜୁ ମଣ୍ଡଳ ସହିତ ସାମିଲ ଥିବା ଜଣାପଡିଛି। ଆଉ ଏକ ସିମ୍ ବକ୍ସ କେନ୍ଦ୍ର ପଶ୍ଚିମବଙ୍ଗରେ ଥିବା ସ୍ପେଶାଲ ସ୍କ୍ୱାଡ୍ ଜାଣିବାକୁ ପାଇଛି। ପଶ୍ଚିମବଙ୍ଗରେ ଚଢଉ କରି ଆନ୍ୟ ସିମ୍ ବକ୍ସ ଠାବ କରିବାକୁ ପୁଲିସ ଯୋଜନା କରୁଛି। ଏହି ଘଟଣାରେ ତନାଘନା ଲାଗି ଜାତୀୟ ତଦନ୍ତକାରୀ ସଂସ୍ଥା ରାଜଧାନୀରେ ପହଞ୍ଚିଛନ୍ତି। କାରବାରର କାର୍ପଟଦାର ବାଂଲାଦେଶର ଆଶାଦୂର ଜମାନକୁ ଧରିବା ଲାଗି ଇଣ୍ଟରପୋଲର ସହଯୋଗ ନିଆଯିବ ବୋଲି ପୁଲିସ ଆୟୁକ୍ତ ସଞ୍ଜୀବ ପଣ୍ଡା କହିଛନ୍ତି।
Comments are closed.