ବାସୁଦେବପୁର: ନଗଦ ୫୦ ହଜାର ଟଙ୍କା ସହିତ ସୁନା ଓ ରୁପା ଗହଣା ଚୋରିକୁ ନେଇ ରବିବାର ବାସୁଦେବପୁର ଥାନାରେ ଅଭିଯୋଗ ହୋଇଛି। ଅଭିଯୋଗ ମୁତାବକ, ବାସୁଦେବପୁର ଥାନା ଅଧିନ ଖରିଦା ବିନାୟକପୁର ପଞ୍ଚାୟତର ପରମାନନ୍ଦ ବାରିକ ନିକଟସ୍ଥ ପଡ଼ିଶା ଘରକୁ ଏକାଦଶାହ ଭୋଜନ ପାଇଁ ଯାଇଥିଲେ। ସେଠାରୁ ରାତି ପ୍ରାୟ ୧୧ଟା ବେଳକୁ ଫେରିବା ପରେ ନିଜ ଘର ତାଲା ଭାଙ୍ଗି ପଡିଥିବା ଦେଖିବାକୁ ପାଇଥିଲେ। ଘର ଭିତରକୁ ଯିବା ପରେ ନଗଦ ଅର୍ଥରାଶି ସହିତ ସୁନା ଓ ରୁପା ଗହଣା ଚୋରି ହୋଇଥିବା ଜାଣିବାକୁ ପାଇଥିଲେ। ଏହାପରେ ଆଜି ବାସୁଦେବପୁର ଥାନାରେ ଏନେଇ ଲିଖିତ ଅଭିଯୋଗ କରିଛନ୍ତି।
ଏଠାରେ ସୂଚନାଯୋଗ୍ୟ, ପରମାନନ୍ଦଙ୍କ ପତ୍ନୀ ବହୁ ବର୍ଷ ପୂର୍ବରୁ ଆରପାରିକୁ ଚାଲିଯାଇଥିବାବେଳେ ଚାରି ଝିଅଙ୍କ ବହାଘର ସରିଛି। ଘରେ ପରମାନନ୍ଦ ଏକୁଟିଆ ରହି ଆସୁଥିଲେ। ତେବେ ଲିଖିତ ଅଭିଯୋଗ ପାଇବା ପରେ ବାସୁଦେବପୁର ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
Comments are closed.