ବାଙ୍ଗିରିପୋଷି : ହାତୀ ଆକ୍ରମଣରେ ଯୁବକଙ୍କ ମୃତ୍ୟୁ ଘଟିଛି। ବାଙ୍ଗିରିପୋଷି ବନାଞ୍ଚଳ ଅଧିନସ୍ଥ ବଣକାଟି ଗ୍ରାମ ପଞ୍ଚାୟତର ଜାମଦାପାଳ ଗ୍ରାମର ସ୍ବର୍ଗତ ରାମ ବେହେରାଙ୍କ ପୁଅ ରଥ ବେହେରା (୩୦) ସକାଳ ସମୟରେ ଗ୍ରାମ ନିକଟରେ ଥିବା ବୁଢାବଳଙ୍ଗ ନଦୀକୁ ଶୌଚ ହେବାପାଇଁ ଯିବା ସମୟରେ ଏକ ଦନ୍ତାହାତୀ ଆକ୍ରମଣ କରିଥିଲା । ଘଟଣା ସ୍ଥଳରେ ସ୍ଥାନୀୟ ଲୋକେ ହାତୀକୁ ଘଉଡାଇବାକୁ ସକ୍ଷମ ହୋଇଥିବା ସହ ଗୁରୁତର ଅବସ୍ଥାରେ ପଡିଥିବା ରଥଙ୍କୁ ବାଙ୍ଗିରିପୋଷି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ଆଣିଥିବା ବେଳେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ବରଣ କରିଥିବା ଜଣାପଡ଼ିଛି । ଘଟଣା ସ୍ଥଳରେ ବନ ବିଭାଗ ଓ ପୁଲିସ ପହଞ୍ଚି ତଦନ୍ତ ଚଳାଇ ଥିବା ବେଳେ ମୃତ ପରିବାରଙ୍କୁ ଯଥାଶୀଘ୍ର କ୍ଷତିପୂରଣ ଦେବାକୁ ଗ୍ରାମବାସୀ ଦାବି ଜଣାଇଛନ୍ତି ।
Comments are closed.