ବଡ଼ସାହି: ମୟୂରଭଞ୍ଜ ଜିଲା ଅନ୍ତର୍ଗତ ବଡ଼ସାହି ବ୍ଲକ ବଳଭଦ୍ରପୁର ଗ୍ରାମରେ ଜଣେ ନାବାଳିକାର ସାପ କାମୁଡାରେ ମୃତ୍ୟୁ ଘଟିଛି। ସାପ କାମୁଡ଼ାରେ ମୃତ୍ୟୁ ହୋଇଥିବା ନାବାଳିକାଙ୍କ ନାମ ବିଷ୍ଣୁପ୍ରିୟା ମହାନ୍ତ। ବଳଭଦ୍ରପୁର ଗ୍ରାମର ଶୁସେନ ମହାନ୍ତଙ୍କ ଝିଅ ବିଷ୍ଣୁପ୍ରିୟା(୧୫) ରବିବାର ରାତିରେ ଘରେ ଏକ ଖଟରେ ଶୋଇଥିଲେ। ରାତିରେ ଏକ ବିଷଧର ଚିତି ସାପ ବିଷ୍ଣୁପ୍ରିୟା ଶୋଇଥିବା ଖଟକୁ ଉଠିଯାଇ ତା’ର ଡାହାଣ ହାତରେ କାମୁଡି ଦେଇଥିଲା। ଶରୀରରେ ବିଷ ସଞ୍ଚାର ପରେ ବିଷ୍ଣୁପ୍ରିୟାର ନିଦ ଭାଙ୍ଗିଥିଲା। ତେବେ ବିଷ୍ଣୁପ୍ରିୟାର ନିଦ ଭାଙ୍ଗିଲା ପରେ ସାପକାମୁଡ଼ା ଯୋଗୁ ଗୁରୁତର ହୋଇପଡ଼ିଥିଲେ। ଝିଅ ଗୁରୁତର ଅସୁସ୍ଥ ହୋଇଥିବା ଜାଣି ଶୁସେନ୍ ମହାନ୍ତ ଡାକ୍ତରଖାନାକୁ ଆଣିଥିଲେ। ତେବେ ଡାକ୍ତରଖାନାରେ ଚିକିତ୍ସା ଧୀନ ଅବସ୍ଥାରେ ବିଷ୍ଣୁପ୍ରିୟାର ମୃତ୍ୟୁ ଘଟିଥିଲା। ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିଲା।
Comments are closed.