ବଡ଼ସାହି : ଗୁରୁବାର ଅପରାହ୍ଣରେ ବୈଶିଙ୍ଗା ଥାନା ଅନ୍ତର୍ଗତ ଜାତୀୟ ରାଜପଥର ଗଡ଼ଦେଉଳିଆ ଠାରେ ଏକ ପାଉଁଶ ବୋଝେଇ ହାଇୱା (ନଂ ଓଆର ୧୫ ଏଲ୍ ୬୮୧୭)ରାସ୍ତା ପାର୍ଶ୍ବକୁ ଓଲଟିବା ଫଳରେ ଚାଳକଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ରେମୁଣା ଥାନା ମହଲନଗରର କୈଳାସ ମାହାନ୍ନାଙ୍କ ପୁଅ ସରୋଜ(୨୬)। ବୈଶିଙ୍ଗା ଅଭିମୁଖେ ଆସୁଥିବା ହାଇୱାଟିର ସମ୍ମୁଖ ଏକ୍ସେଲ ସହିତ ଚକ ଦୁଇଟି ବାହାରି ଯିବାରୁ ଦୁର୍ଘଟଣା ଘଟିଥିଲା। ରାସ୍ତାର ବାମପାର୍ଶ୍ବକୁ ଓଲଟିବା ପୂର୍ବରୁ ଚାଳକ ନିଜକୁ ବଞ୍ଚାଇବା ପାଇଁ ତଳକୁ ଡ଼େଇଁଥିଲେ। ତେବେ ଦୁର୍ଭାଗ୍ୟ, ହାଇୱା ତଳେ ଚାପିହୋଇ ତାଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିଲା। ବୈଶିଙ୍ଗା ପୁଲିସ୍ ଏକ ଦୁର୍ଘଟଣା ମାମଲା ରୁଜୁ କରି ଶବ ଉଦ୍ଧାର କରି ବ୍ୟବଛେଦ ପାଇଁ ପଠାଇଛି।
Popular Categories
Previous article
Next article