ଆୟୁଷ୍ମାନ୍ ଖୁରାନା ନିଜ ବ୍ୟକ୍ତିଗତ ଜୀବନଶୈଳୀକୁ ଗଣମାଧ୍ୟମଠାରୁ ଯଥେଷ୍ଟ ଦୂରେଇ ରଖିବାକୁ ଚେଷ୍ଟା କରନ୍ତି। ବିଭିନ୍ନ ମହଲରୁ ନିଜ ଅଭିନୟ ପାଇଁ ପ୍ରଶଂସା ପାଇଥିବା ଏଇ ଅଭିନେତା ନିକଟରେ ପତ୍ନୀ ତାହିରା କଶ୍ୟପଙ୍କ ନିମନ୍ତେ ଖୁବ୍ ଚିନ୍ତାରେ ରହୁଛନ୍ତି। ତାହିରା କର୍କଟ ରୋଗର ପ୍ରଥମ ଷ୍ଟେଜ୍ରେ ଆକ୍ରାନ୍ତ। ଏପରି ସ୍ଥଳେ ତାଙ୍କ ଆଗାମୀ ଚଳଚ୍ଚିତ୍ର ‘ବଧାଇ ହୋ’ର ପ୍ରଚାର କାମ ମଧ୍ୟ ଚାଲିଛି। ଦୁଇ ପୁଅଝିଅ ମଧ୍ୟ ଖୁବ୍ ଛୋଟ ଅଛନ୍ତି। ଆୟୁଷ୍ମାନ୍ କହିଛନ୍ତି, ପତ୍ନୀଙ୍କ ଏଇ ରୋଗ ସମ୍ପର୍କରେ ପ୍ରଥମେ ଯେତେବେଳେ ପରୀକ୍ଷାରୁ ଜଣାପଡ଼ିଲା, ସେ ଭାବିଲେ ଭୁଲରେ ବୋଧହୁଏ ଅନ୍ୟ କାହାରି ରିପୋର୍ଟ ସେ ପାଇଛନ୍ତି। ସେ ଯେପରି ବିଶ୍ବାସ କରିବାକୁ ଆଦୌ ପ୍ରସ୍ତୁତ ନଥିଲେ ଯେ ତାହିରା କର୍କଟରେ ଆକ୍ରାନ୍ତ। ଏଭଳି ସ୍ଥିତିରେ କିଭଳି କାମ କରିବେ ସେ ନେଇ ଚିନ୍ତିତ ଥିଲେ ଆୟୁଷ୍ମାନ୍। ସୁଟିଂରୁ କିଛିଦିନ ବିରତି ନେଇ ପତ୍ନୀଙ୍କ ପାଖରେ ରହିଲେ ସେ। ପରେ ତାହିରା ହିଁ ତାଙ୍କୁ ଉପଦେଶ ଦେଇଥିଲେ ଯେ ସବୁ କାମ ଠିକ୍ ଭାବେ ହେବ। ଏବେ ଆୟୁଷ୍ମାନ୍ ଚଳଚ୍ଚିତ୍ର ପ୍ରଚାର କାମରୁ ବିରତି ନେଇଥିଲାବେଳେ ପତ୍ନୀଙ୍କୁ ନିୟମିତ ଭାବେ ଡାକ୍ତରଖାନା ନେବାରେ ଆଦୌ ଅବହେଳା କରୁନାହାନ୍ତି। ତାଙ୍କ ପତ୍ନୀ ଶୀଘ୍ର ଆରୋଗ୍ୟ ହୁଅନ୍ତୁ, ଏହା ହିଁ ସେ ଈଶ୍ବରଙ୍କ ନିକଟରେ ପ୍ରାର୍ଥନା କରୁଛନ୍ତି ବୋଲି ସୋସିଆଲ ସାଇଟ୍ରେ ଉଲ୍ଲେଖ କରିଛନ୍ତି।
Popular Categories
Previous article
Next article