ନୂଆଦିଲ୍ଲୀ : ସିଆଚେନ୍ରେ ବରଫ ଅତଡ଼ା ଧସିବା ଫଳରେ ସୋମବାର ଭାରତୀୟ ସେନାର ପାଟ୍ରୋଲିଂ ଦଳରେ ସାମିଲ ଥିବା ୪ଜଣ ଯବାନ ସହିଦ ହୋଇଛନ୍ତି। ଏହା ବ୍ୟତୀତ ୨ ଜଣ ପୋର୍ଟରଙ୍କ ମଧ୍ୟ ମୃତ୍ୟୁ ଘଟିଛି।
ସୂଚନା ଅନୁସାରେ, ସିଆଚେନର ଉତ୍ତର ସିଆଚେନ୍ର ୨୦ହଜାର ଫୁଟ ଉଚ୍ଚ ବରଫାବୃତ୍ତ ଅଞ୍ଚଳରେ ସୋମବାର ଅପରାହ୍ନ ୩ଟା ସମୟରେ ପାଟ୍ରୋଲିଂ ବେଳେ ୮ଜଣ ଯବାନ ବରଫ ଅତଡ଼ା ତଳେ ଚାପି ହୋଇ ରହିଥିଲେ। ସେନା ପକ୍ଷରୁ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଜାରି ରହିଥିଲା। ସଂକଟାପନ୍ନ ଅବସ୍ଥାରେ ସେନା ପକ୍ଷରୁ ଆହତ ଯବାନଙ୍କ ଚିକିତ୍ସା ଆରମ୍ଭ କରିଥିଲେ। ଏହା ମଧ୍ୟରେ ୪ ଯବାନ ସହିଦ ହୋଇ ଯାଇଥିଲେ। ଏହା ବ୍ୟତୀତ ଦୁଇ ଜଣ ସାଧାରଣ ପୋର୍ଟରଙ୍କ ମଧ୍ୟ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା। ଅନ୍ୟ ଦୁଇ ଯବାନଙ୍କ ଅବସ୍ଥା ମଧ୍ୟ ଗୁରୁତର ଥିବା ସୂଚନା ମିଳିଛି।
Comments are closed.